Jowai: Ka Tuberkmai Shnong Society (TSS) hei krehlang wa ka Nehru Yuva Kendra (NYK) Jowai da pynman ko ya ka Swatchhta Pakhwada (Fortnight) ha ka chnong Lumshyrmit, EJH hajrong ka thong wow pynchlur ya kiwa chong chnong wow man ki kiwa leh khooid ha kiwon kiwon ki thaw wa em ki kamjooh ha yung ha sem.
Ha kani ka program da em bynta le tylli ki skur kiwa da pynkhooid ya ki luti ki syngkieñ, ki yung skur, wei da saam leh da ki tin noh jhep cha kini ki skur khnang wa ka skur u man ko kawa khooid.
Ya kani ka program da pynkut ha ka 15 tarik (kawa sdang nadooh ka chi tarik uni u bnai) da ka yakob dro dur hajrong ka phang “Keep India Clean” wow pynchlur ya ki khynnah wow man ki kiwa lehkhooid.
U Secretary ka seiñ u Jessamy Phawa da khana u ya i yaleh wow yoh laitlooid wei i myntoi hawa man ki bru kiwa leh khooid khamtam deiwa e nongmuna ya u Mahatma Gandhi.
Da yaroh u ya ka jylla Sikkim neidaw wa man ko kawa khooid tam wei da yoh ko yeini i naam ha u snem 2016 wei da yoo u da ki khmat yong oo wa kani ka jylla ym em plastic ko wei iwa phylla toh hawa thied doh da song haki kot khubor ymtoh haki plastic deiwa kyntu wa emkaam wow bood ya ka nongmuna na kani ka jylla.
Discussion about this post