40 ngut ki waheh deilang ki khynroo khyllood da yoh myntoi ki ha ka 12 tarik uni u bnai ha ka chnong Umsalait deiwa pynman ya ka yalang pynsñiawthooh paidbah hajrong i sih wa mih nei pynemkaam drugs deiwa pynman leh ya ka Workshop/Seminar kawa da kyrchaan poisa da ka Yess Meghalaya wa da pynlai da ka Unemployed Youth Development Society (UYDS) kawa man kam ka seiñ kreh mon sñiawbha hapoh ka imlang sahlang khamtam neibynta ki khynroo khyllood.
Ya kani ka yalang da pynlai da u waheh chnong ka chnong Umsalait, u Biwel Lapasam.
Ki bru chemphang kiwa da wan wow pynsñiawthooh toh u Dialmy Rabon wa u Seinmitre Passah deiwa emlang ki bru waheh kam ka Aidashisha Lyngdoh, u Fullstar Sumer wa u Rimiki Lathong uwa man kam u President yong ka seiñ.
U Dialmy da klam u chaphang i chah ktah nei pynemkaam duma khamtam yei chait i khiah yong ki bru wei da ktah leh yei rta.
U Seinmitre da klam u chaphang i chah ktah hei kiad khamtam ya ki khon khynroo kamjooh i drugs iwa da ktah ya ka imlang sahlang khamtam deiwa pynemkaam thyrnia iwa wanrah sei poor u khñiang HIV.
Kamtæ da pychlur ya ka imlang sahlang wow krehlang u toor chakhmat wow yaleh pyrchah ya ini i kaam.
Discussion about this post