Pynman ka West Jaiñtia Hills District Executive Force ya ka yakhun kti wa chongchit ha Jowai

Jowai: Ka West Jaiñtia Hills District Executive Force ynne ka sngi da pynman ko ya ka yakob yakhun kti wa tip kam ka 1^st Jowai Open Challenge Arm Wrestling, 2019 ha Iawmusiang ha wah ka Jowai Police Station, Jowai hajrong ka phang “Free, Fair & Peaceful Conduct of Election”.

Neiliang u P. Syiem Additional SP, hawa e u yei ktein waiphang chwa wow sdang ka yakhun kti da ong u, kamwa ka Election MDC wa MP haka jylla da jan ki, da pynman ya kani ka yakob yakhun kti kam chibynta wow pynsñiawthooh ya ki paidbah wow tip næ sñiawthooh ya ka hok hawa jied ya kiwa mihkhmat, ym toh wow chah pynbeij næ chah thied daka poisa wa kiwi kiwi.

Da emlang leh ha kani ka sngi kam u kongsan u Allan S Marbaniang, ka Q.A.B Facon, MPS, Dy. SP, SF 10, u B. Chettri, MPS Add. Superintendent of Police, ka S. Mukherjee, MPS, Dy. SP Traffic wa kiwi.

U kongsan u Allan S Marbaniang toh uwa yakhun kti uwa da yoh ksoh kamwa 11 sien ya i naam Champion haka jylla wei hawa e yei klam da ong u wa haka yalehke da em bait kiwa jop wa kiwa rem, lada rem ym toh wow randien tangwa ka thong toh hadooh wow ye u jop ya u namo ka wa pynrem ya phi, lada jop won ym toh wow sarong neibhah kiwa rem daw kreh chitom ki ar chah yow pynrem ya phi.

Related posts

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Poi noh ka Baby League ka East Jaiñtia cha wakut

May 10, 2025

Ka yakhun kti toh neibynta ki chynrang wa kynthai da yabhah chong hei khia.

Chynrang

Haka 55 Kg chapoh da jop u Banshanlang Terang wa ar da yoh u Synran Rngad.

Haka 56-60 Kg da jop u Donnam Kharkongor wa ar da yoh u Tynshaiñ Kharmawlong.

Haka 61-65 Kg da jop u Rangdapbor Swer wa ar da yoh u Precious Marbaniang.

Haka 65-70 Kg da jop u Prosperity Langbang wa ar da yoh u Richard Lyngdoh.

Haka 70-75 Kg da jop u Donboklang Sohsang wa ar da yoh u Mickey Khyriem.

Haka 75-80 Kg da jop u Emanuel Marbaniang wa ar da yoh u Changlangki Dkhar.

Haka 80 Kg chaneiñ da jop u Adam Balajied Kharmalki wa ar u Moon Baruah.   

Kynthai

Haka 55 Kg da jop ka Angel Mylliem Umlong wa ar da yoh ka Angelis Kha-u.

Haka 56-60 Kg da jop ka jop ka Badalyne Kharbangar wa ar da yoh ka Sumita Kshiar.

Haka 60 Kg chaneiñ da jop ka Ribasuk Lyngdoh Mawphlang wa ar da yoh ka Lityzia Syntem.

Haka ka yakhun Over the Top da jop ka Badalyne Kharbangar kawa da yoh leh ya ka songpoisa T. 10,000 katwa yei wa ar won da yoh ka Ribasuk Lyngdoh Mawphlang uwa da yoh T. 5000.

Open Challenge

Da jop u Baniaikyrsoi Khongwir uwa da yoh leh ya ka songpoisa T. 5000 wa ar da yoh u Jeremy Rangad uwa da yoh ya ka songpoisa T. 2000.

Over the Top

Da jop da u Donnam Kharkongor uwa da yoh leh ya ka songpoisa T. 15,000 wa u Emanuel Marbaniang uwa da yoh ya ka songpoisa T. 8000.

Da wan pynkut ya kani ka yakhun kti da ka R.S. Manner, ADC ka WJH.