Ki bor pait bor pynlai ka West Jaintia Hills District Wushu Association (WJHDWA) chirup i yakrehlang ka yung krehkaam u District Sports Officer, West Jaintia Hills ha ka thong wow kyntu kynrong ya ka lehke Wushu hapoh ka District, ha ka 12 wa ka 13 tarik u Naikhynde da pynman ki ya ka 2nd West Jaintia Hills District Level Wushu Championship 2025 ha Hall yong ka Jowai Presbyterian School wa em ha Lion Mission Compound.
Ha kani ka yakob da wan wow ya chimbynta da ki khynnah wa ki khon khynroo khyllood na ki chnong waphær yong ka District wei ka yakob da man ko kawa yoosuk yoochongchit hapyrdi kiwa chimbynta wa ki paitke wa boon.
Neiliang u Wailadmiki Shylla, MLA ka Jowai Constituency kam wow e mynsien ya kiwa pynlai wa kiwa chimbynta yong kani ka yakob da wan u wow emlang wei hei klam yong oo da khanna pynsñiaw u leh ya ka kabu ksiar kawa ka sorkar da mang kyrpang ko neibynta kiwa chong chnong kiwa ye u rah naam rah burom ya ka jylla ka ri heiliang yong ki kaam yaleh Sports wei chooh chooh kam ka dak i embyntlang wa ka seiñ da e yarap u leh Rs. 20,000 cha ka yarong yong ka West Jaintia Hills District Wushu Association.
Chooh chooh neiliang u President yong ka Meghalya Wushu Association da khana pynsñiaw u hapyrdi kiwa yachimbynta wa lyngba kani ka Championship, ka Association daw jied ko ya ki khynnah ki wow mihkhmat ya ka jylla cha ka yakob ka wow man ha Jammu & Kashmir wei daw em won leh ka Inter School Championship.
Discussion about this post