Ka Follow Up Examination 2025 kawa pynman da ka Education Sub Committee ka War Jaiñtia Student Union da man ko kawa lai bait lai ryntih ha ka 26 tarik uni u bnai ha Riwar Jaintia Church of God Secondary School, Ladjaplem, Amlarem Civil Sub-Division.
Ha kani ka sngi thoh Exam yong ka Follow Up Examination 2025, da pynman da ka Written Test nadooh i por 9:00 waje i step hadooh 12:00 waje pyrdi sngi wei da pynbood sa ka Personal Interview wa da pynman nadooh i por 1:00 waje i sngi hadooh 3:00 waje.
Ha ka Section-I da man Panel Member da u Babu Sunrise Manner (Retired Govt Teacher) wa u Rikular Suchen (Finance Secretary, WJSU) deilang wa uwi uwa sikai.
Ha ka Section-II won da man Panel Member da u Precious Suchen (Retired Horticulture Officer) uwa jooh khut maya kam u Babu Hup wa uwi uwa sikai, u Bor Langshiang.
Katwa ha ka Section-III da man Panel Member da u Chief Adviser ka seiñ, u Alban K Gashnga wa u President Rangbah ka seiñ, u Syndai Swer deilang wa uwi uwa sikai.
Kani man ko kam chibynta ka 1st War Jaiñtia Scholarship Examination 2024 heiwa da jied da ki Top 20 ha ka Section-I, Section-II wa Section-III.
Ka Education Sub Committee ka seiñ lyngba ka Education Secretary ka seiñ da e kti ki ya ki Answer Sheet MCQ wa ki Marks cha kiwa pynman Personal Interview wa ha ka Expert Committee yow pait bniah (Correct) ki ya ki Paper wei hapoh uni hi u bnai daw pynbna ya ka Result kiwa yakhun wa jop kiwa daw yoh Scholarship Rs. 1000 chi bnai neibynta 12 bnai.
Discussion about this post