Ka seiñ ki manbei ka Dorbar Chnong Loomkyrwiang namo ka Women’s Welfare Committee (WWC) kam wow kdar luti ya ki kaam wa chakhmat yong ka hei wow kreh neibynta i miat i bha ka imlang sahlang yong ki khon ka chnong ka thaw ha ka Mulong 27 tarik uni u bnai da pynman ko ya ka Food Fest ha Yungwalieh heiwa ka Nimanchwa Laloo, Divisional Forest Officer, Jowai daman ko kam ka kongsan.
Ha ka yalang yahkhmat wa tbian hei pynlai ka Kongka Shullai, Chairperson WWC Loomkyrwiang, ka Heiyoomitre Pakma da e ko ki kyntien ngoohblai katwa ka Samhakani Laloo, Secretary WWC Loomkyrwiang hawa kut pachat ko ki kyntien khublei.
Ka Dengsuk Laloo kam kawi na ki manbei wa u Chibor Najiar kam uwi na ki waheh wasian ka Loomkyrwiang hei klam i kappæ yong ki da e mynsien wei booh ki leh ki kyntien kyrsu kyntu ya kiwa yahkhmat wa ki dkhot ka Women’s Welfare Committee Loomkyrwiang kamjooh ya waroh ki khon ka dong ka chnong.
Ka Nimanchwa Laloo hawa e kyntien kam ka kongsan da yaroh ko ya ki manbei kamjooh ya ki khon kynthai khyllood ka dong Loomkyrwiang kiwa da chim ya kani ka luti wow wanrah i sñiaw yajooh yajan wei yatylli hapyrdi para khon ka dong ka chnong wei da kitbok kitrwiang ko leh yow nang ye chooh ka seiñ manbei u kaap u lai chakhmat na ki por cha ki por.
![](https://i0.wp.com/wyrta.com/wp-content/uploads/2022/12/cnskd2.jpg?resize=962%2C529&ssl=1)
![](https://i0.wp.com/wyrta.com/wp-content/uploads/2022/12/cnskd1.jpg?resize=962%2C529&ssl=1)