Ka yung krehkaam u District Sports Officer East Jaiñtia Hills da pynman ko yaka yakob Quiz & Debate Competition ha Khliehriat West Community hall ha kani ka 27 tarik heiwa da wan chimbynta da 10 tylli ki skur na ka thaaiñ East Jaiñtia.
Ha kani ka sngi da sdang yaka daka yakob Quiz kawa da chimbynta da waroh 10 tylli ki skur katwa haka Debate won da chimbynta da 9 tylli ki skur.
Kiwa jop ha ka Quiz Competition toh ka Oxford Secondary School, wa ar ka Khliehriat Presbyterian Higher Sec. School katwa yei wa le da yoh ka Sacred Heart Lamyrsiang Higher Secondary School.
Ha ka Debate kiwa jop man ki kamni ha wah:
- Anamika Kumari
- Emika S Dkhar
- Bonnie Chettri
Ha kani ka sngi da emlang kiwa sikai skur, ki heh chnong, u District Sports Officer u OM Mawthoh ki wakreh yong oo deilang wa kiwi kiwi, wei neiliang u Mawthoh da e mynsien u ya ki wajop wow nang pynkhreh chooh chooh ki yow chimbynta ha ka State Level Inter-School Quiz & Debate Competition.
Discussion about this post