Jowai: Ka yung krehkaam yong u Executive Engineer PHE RWS Division Jowai da pynman ko ya ka Swachhagrahi Ka Swachhagrahi:Ek Se Anek kam chibynta yong ka Swachhta Hi Seva ynne ka sngi ha chnong Thangrain, Laskein Block West Jaiñtia Hills District Meghalaya.
Ha kani ka sngi da em leh ka lai paidbah kawa chimbynta da kamwa 400 ngut ki khynnah skur na ki 7 tylli ki skur yong ka chnong Thangrain wei da sdang ya kani ka lai kjat na Pdeinjri chadooh Iaw Muchai.
Ya kani lai kjat da yahkhmat da u waheh chnong ka chnong Thangrain wa u Block Coordinator ka Swachh Bharat Mission yong ka Laskein Block. I thmu yong kani ka lai kjat toh wow wanrah yei sñiawthooh yeiwa emkaam i khooid i jngiar ha ki yung ki sem, ka luti syngkieñ wei wow pynemkaam da ki paikhana hawa lai khloo.
Hadien wa kut kani ka lai paidbah da em ka yalang paidbah wa da ya chimbynta da ki mabei manpa ka chnong Thangrain ha madan Iaw Muchai wa pynlai da u waheh chnong u D. Rabon uwa da ong wa heiyatoh i khooid i jngiar da man ko ka spah bah ha rukom im uwi pa uwi u bru heini ha sla pyrthai.
Da yoh leh yei klam na u R. Suchiang Block Coordinator Swachh Bharat Mission Laskein Block heiyatoh wow chna paikhana wa tip kam ka “Twin leach pit water seal toilet” wei kammon wow pynemkaam ya ki paikhana ha yung ha sem neibhah manda lai cha khloo cha wah cha neiñ man ko kawa maa bha iwa ye leh u wanrah yei kjut i chitom wa boonjait wa boon rukom.
Da pynkut deiwa pynman ya ka pynkhooid chnong ha waroh ki dong waphær waphær ka chnong wa da chimbynta chongchit da kiwa chong chnong wa ki khynnah skur.
Discussion about this post