Ki chi kurim kitæ u SK Choudhury waka Kalpana Choudhury ynne ka sngi da sdang ki yei chong kylleiñmyngnngor ha Khyndailad wa em hajan ka yung dorbar chna aiñ warim ka Meghalaya kam chibynta wow pyrchah yeiwa chah dat ki 3 ngut ha Lumdiengjri, Shillong iwa da jia ha ka 20 tarik uni u bnai.
Da wan lang leh kiwi ki bru samen kiwa da kyrchaan yei dawa wow wanrah hakhmat ka aiñ ya kiwa emkti neibhah i wym leh iyi iyi leh man i kam i chah thombor hi.
Da dawa leh wow pyndooh yei pynsñiaw yaphær jaitbru heiwa ki wym toh ki jaitbru ri-loom da maad ki da boonsien yei chah pynmynsoo kam ha u snem 1979, 1987, 1992, 1997, 2018, 2019 hadooh uni u snem 2022.
U SK Choudhury da ong u wa waroh i toh ki bru, wei lada em ki Khasi wa lai cha baar jylla jooh em hi mo kiwa kylli iyi i daw wa wan phi cheini. Wei oo lada chem u ya ki Khasi ha Kolkata ym jooh dam u wow khut dihcha ki cha yung u neidaw wa ki toh na ki jooh i thaw.
Da ong u leh wa kut wa jia wa em i chah dat, ym jooh em wa mih wow pyrchah, lada em wa chah thang pyn-im leh ym em wa nood u ong iyi iyi wei ym jooh em wa chah pynchitom, wa chah kem wei lada em wa chah kem leh pyn haka sngi wa bood da lait jamin ki wei da lai ki wow leh yei jooh biang i kaam.
Kamtæ da kylli u wa ileh wa da jia yeini wot hadien dap 50 snem ka Meghalaya neibhah boon wym tip yeiyi wa jia ha u snem 1979 heiwa boon ki bru wa chah pynyap. Deiwa kylli leh iyi i daw wa kheiñ ya ki wym toh ki jaitbru ri-loom kam ki nongchoon heiwa ya oo da kha heini, uwa da lai puræ puthi heini da em u leh yei yung heini; ileh won wa em ini i sñiaw wei da kwah u pynkylla noh yeini deiwa wanrah yei sñiawthooh uwi ya uwi.
Da pyntip u leh wa nyngkong ya kani ka yakhih da paanbor naka DC wow pynman dei chah thngan hadooh wa yap tangwa neidaw wym e bor, neiliang yong oo leh ym kwah u wow leh pyrchah ya ka aiñ wei da e bor ya ki wow chong kylleiñmyngngor ki 6 kynta chi sngi.
