Jowai: Ka Jowai Civil Hospital-District Medical Health Officer, Jowai CNE (Continuing Nursing Education) Cell ynne da pynman ki yaka Conference wa chi sngi hajrong i kjut ‘Chronic Renal Failure’ ha District Library Auditorium, Mynthong, Jowai hajrong ka phang, “End Stage Renal Disease: A Quality Nursing Care for improving the quality of life of the Patient Living with End stage Renal Disease, kawa ktah yei rukom krehkaam u Kidney. U Andrew Shullai, MDC Jowai Central da emlang u kam u kongsan, u Dr. E. War, Senior Paediatrician, Jowai Civil Hospital kam u symbood kongsan.
Hawa wai ya kani ka Conference, u Andrew Shullai da e yaroh u ya ki Nurse wa pynman ki ya kani ka Conference ka wow yarap ya ki wow pynbniah chooh chooh ya iwa da tip ki. Da pynchlur u leh ya ki Nurse wow pteiñ ki wow thooh ya ki stat sumaar wa katni neibhah yow yoh ya ka yutip wa thymme man ko kawa ym kut de. Da ong u leh wa deiwa leh kamni daw yarap ko chiboon hawa e ki ya ka chakri ya kiwa kjut wa chitom.
U Dr. E.War, Senior Pediatrician, JCH, Ialong da kyntu u ya ki Nurse yow pynman yaka CNE kam chibynta ka puræ puthi yong ki yow pynpliah chooh chooh ya i stat i tip yong ki.
Ka R. Rymbai, Organising Chairperson ka JCH-DM&HO Jowai CNE Cell da klam ko yei emkaam ka Continuing Nursing Education (CNE) wa i thrang mynsien yow tip ya iwa thymme naki por cha ki por. Da pynchlur ko leh ya ki wow chim ki ya kawon kawon ka laad wa yoh ki yow pynpliah chooh chooh yei kaam yong ki katkam wa tyllung ka pyrthai.
Ka C. Lamat, Assistant Organising Chairperson JCH-DM&HO, Jowai CNE da klam ko chaphang ka phang ‘Chronic Renal Failure’.
Kiwa de ki bru chemphang wa klam toh ka Ieidlang Dkhar kawa klam hajrong Anatomy & Physiology of the Urinary System, Dr. Dawanroy Nongpluh da klam ko chaphang ka ESRD, ka Suzanne Mary Pakyntein da klam ko chaphang ka Dialysis, ka Markordor Kharshiing da klam ko chaphang Nursing Mangement with ESRD, ka Ivory Kharduid ko chaphang ka Health Education for Patient living with ESRD, ka Sachika Lato da klam ko chaphang Group Acitivity on Nursing Care Plan for Patient with ESRD.
Discussion about this post