Pynman kiwa chet ja skur ka East Jaiñtia ya ka yalangbah

Ka East Jaiñtia Mid-Day Meal Worker’s Unit da pynman ko ya ka yalangbah ha ka 8 tarik ha West Khliehriat Community Hall dei emlang kiwa kitkaam ka Central Body ka All Jaiñtia Mid-Day Meal Worker’s Union.

Da sdang ya ka yalang dei duwai wei da pynlai ya ka yalang da ka Pdiangmon Chyrmang kawa man ka President ka EJMDMWU wei da yoh i klam pdiang sñiawbha na ka Shim-i-ka Sungoh, dkhot ka EJMDMWU.

Da yoh leh i klam chi kyntien ar kyntien yow pynsñiaw yei eh i khoo kiwa chet ja-sngi ha ki skur kiwa em ha ka thaaiñ East Jaiñtia da ka Leki Bareh wei hadien ini da chimbynta da kiwa boon walang wow pynsñiaw yei eh yong ki iwa da chem ki kam kiwa chet ja ha ki skur.

Neliang kiwa chet ja-sngi ha ki skur da yaroh ki ya kiwa kitkaam yong ki khamtam ya kiwa kitkaam ka All Jaiñtia Mid-Day Meal Worker’s Union wa da kreh chitom ki wow pynman soh mansla yei duwai yong ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hadien neitæ da yoh i klam wei pynche na u Adviser ka seiñ, u Khroo Lamsalanki Pariat yeiwa kylli kiwa boon wa lang waroh, wei da khana u leh wa ya ka nong (Honorarium) yong ki Cook, ka sorkar da pynku ko nadooh u April 2022 cha ka T. 2000, wei ya ka poisa wa dang sah, ka sorkar daw pynlait won ko ha kini ki sngi wa daw wan, heijooh i por da pynchlur da ban joor u ya kiwa chet waroh wow man ki kiwa tista hei kaam, wow man kiwa leh khooid kamjooh kiwa ya krehlang chirup chirup wa kiwa sikai skur khnang wa kani ka Scheme u nang lai bait ko hapoh ka jylla yong i.

Da yoh leh i pynche hajrong ki kaam kiwa ka All Jaiñtia Mid-Day Meal Worker’s Union da lai luti ko na u President ka seiñ, u Jerry Anderson Suting uwa da ong wa hei lai luti ka seiñ da yoo ya ki soh ki kattu katni kiwa da mankaam, kamtæ da booh u yei kyrpaad ya kiwa chet ja-sngi kiwa em ha ka thaaiñ East Jaiñtia Hills District wow man ki kiwa ya krehlang khnang wa ka sorkar u jubab ko yeiwa paan yong ki kam kiwa chet ja-sngi, neibhah kattæ ki dawa kiwa hakhmat dooh to ka LPG, ka Maternity Leave, ka um dih, khamtam ka bhah ka sorkar pyrdi neibynta wow pynheh ya ka nong namo ka Honorarium yong ki Cook yow ye ki wow pyntoh pyntne yeiwa emkaam ka yung ka sem yong ki.