Jowai: Ka Society for Urban and Rural Empowerment (SURE) chirup wa ka NABARD da pynman ki ya ka Leadership Training Programme ha Laskein Block, West Jaiñtia Hills District ynnin ka 20 Naichiphaw hajrong ka yurim wa kammon u sñiawthooh ya ki kaamram kam kiwa yahkhmat (Leader) yow yah luti ya ka dhab (Group) yong ki.
Ha kani ka sngi da emlang u T. Thangkiew,DDM, NABARD, u L.T. Tariang BDO Laskein Block, K.S. Marbaniang, Former Forestry Range Officer, u Rev H.H. Mohrmen, President SURE, kiwa mihkhmat ka EFC Laskein Block wa kiwi kiwi. Ya ka programme da pyllai da u M. Myrchiang, SURE Coordinator.
Ha kani ka sngi da wan chim bynta da ki paidbah na kylleiñ ki chnong hapoh Laskein Block kiwa khynthup ya ki Self Help Group, ki bru samen, wa kiwi kiwi.
Ya ki kyntien lamphrang da yoh na u T. Thangkiew wa ki kyntein pdiang burom na L.T. Tariang, BDO Laskein Block.
U Rev H.H. Mohrmen hei klam yong oo da batai u yi mut i kyntien Leadership heiwa da ong u la da ym em kiwa yahkhmat yi wow pait yei rukom synchaar hapoh ka chnong ka thaw wa ka imlang sahlang. Da ong u leh wa kiwa yahkhmat toh u man ki kiwa kitkhlieh ya waroh ym du kiwa em hapoh yong ki tangwa waroh kiwa em chabar leh.
Kiwi kiwa da e i klam i kape ha kani ka sngi toh u K.S. Marbaniang heiwa da pyntip u wa ka Meghalaya Basin Development Authority(MBDA) lyngba ki Enterprise Felicitating Centers (EFC’s) man ko kawi na ki laad wow yoh yutip wow chah sikai hapoh ka jylla.
Discussion about this post