Jwai: Ynne ka sngi ha i por 2 waje i janmiet hadien i yalang wa tbian ha kamra yalang ka ophis u DC da mih ki dkhot ka Officers’ Club wa u suro ha kti wow lai li lum ki ia ki jhep wa em cha luti nadooh na thaw yieñ kari Indica hadooh ha thaw yang kari lai War.
Da iabhah ia ki dkhot Officers’ Club ha kani ka sngi san bynta dei wa booh ia kawi ka kynhun u pynkhooid nadooh na thaw yieñ kari Indica hadooh Post Office, ka wa ar ka nadooh na Post Office hadooh ha Shai War Daloi Complex, ka wa le na Shai War Daloi hadooh ha ophis DC, ka wa soo nadooh ka ophis u DC hadooh ha Lad lai cha IB PWD wa ka kynhun wa san won nadooh na Lad PWD IB hadooh ha thaw yieñ kari lai War.
Kamwa 40 tylli ki tnat sorkar kiwa em ha kani ka distrik da wan ia chim bynta ki ha kani ka sngi.
Ia ki dkhot ka Officers’ Club da iarap da ki nongkreh ka Jowai Municipal Board u lum wa kamjooh leh u pyllang wei u kit ia ki jhep.
Discussion about this post