Khliehriat : Ynne ka sngi kam chibynta yow yada ya u mrad Hulu næ ki Hoolock Gibbons ynne da pynman ya ka workshop ha Khliehriat Secondary School, Khliehriat.
Ya kani ka workshop næ ka esikai da pynman da ka Ashoka Trust for Research in Ecology and the Environment (ATREE) hei yakrehlang wa ka Society for Rural and Urban Empowerment (SURE) wa ka Basin Development Unit, East Jaintia Hills.
Ha kani ka esikai da yoh i batai wa i klam na ki stat kam na ma HH Mohrmen, Dr. BK Tiwari, ka kong Patricia Mukhim, u Dr. Somendro Thangjam, u Dr. Rajkamal Goswami, u Dr. Narayan Sharma, u ma PS Nongbri, ka kong H. Lato wa kiwi kiwi.
Ha kani ka sngi da wan yachimbynta da ki waheh chnong wa ki bru samen na ka chnong Khadum, Sonapyrdi, wa kiwi kiwi kiwa em markhap wa kani ka khloobah Narpuh.
Da khana wa u hulu dang em u ha ka khloo Narpuh kawa katni da man ko kam ka Wildlife Sanctuary.
U Dr. Rajkamal da pyntip u wa katkam i antaad yong oo ha kani ka khloo em kamwa 12 dhab wei ha kawi ka dhab em 2-3 tylli ki hulu iwa mut dang em sa kamwa 20-25 tylli ki hulu. Heiwa da kyntu u leh ya ki bru wow pyrchang u yada ya kini ki mrad neibhah kini ye ki u pynneh ya ka khloo.
Ha kani ka sngi da em leh ka bynta wa ye ki paidbah u yapachat yumut ki wa ki stat wa ki sahep wei ye ki u kylli kat iwa artatien ki na ki. Da pynyoo leh ya ka phlim wa tbian kawa pynyoo yei rukom pynneh ki bru ha Nagaland yei khloo iwa da jan lut.
Hachwa u kut da yoh yei kyntien e khublei na u Dr. Rajkamal Goswami.
Discussion about this post