Kiwa yah Truck deilang kiwa yah Tanker nadooh ynnin da sdang ki yei yakhih ha kiwa boon ki jylla ka ri India yow pyrchah ya ka aiñ thymme ka sorkar pyrdi heiyatoh i chah tyrrah kari ki bru heiwa kiwa yah kari yut ki nei thaw wa jia (Hit-and-run).
Kani ka kyndon thymme wa da wanrah da ka sorkar pyrdi toh kawa em hapoh ka Indian Penal Code wei lada chem ya kitu kiwa yut hadien wa tyrrah bru ki, daw chah kem ki hadooh 10 snem lada kiwa yah kari toh kiwa leh bakla wei ym lai pyntip ki leh cha ki bor ka aiñ næ cha ki bor sorkar.
Hapoh kani ka kyndon thymme, najrong wa chah kset 10 snem daw hap su leh yaka kuna kawa Rs. 7 lak.
Kani ka yakhih toh kawa sdang ha Maharashtra ynnin deiwa pynsahkut ya ki sarok kam ha Solapur, Kolhapur, Nagpur wa ha Gondia District. Ha ini da em 40 ngut kiwa yah Truck kiwa chah kem ha Navi Mumbai.
Ha Gujarat leh da pynman ya ka yakhih deiwa pynsangeh da ki Truck hapyrdi luti ki sarokbah kamjooh ha Rajasthan wa ha Madhya Pradesh.
Neiliang kiwa yah Truck da ong ki lada ki kit ki ya kiwa chah tyrrah næ yarap ki, iwa jooh jia toh ki paidbah da mih dei chrai wei da dat da bom ki ya kiwa yah kari hadooh em ki por wa yap ki.
Ha kani ka yakhih da em leh kiwa yah ya ki Bus kiwa da chimbynta iwa da pynman ya ki paidbah wow lai beh ki cha ki Petrol Pump neidaw wa tieñ ki ya duna phñiang.
Discussion about this post