Kam chibynta ka thong krehkaam namo ka Project kawa tip kam ka “No one shall be left behind initiative”. Ka Society for Urban & Rural Empowerment (SURE) deiwa ya krehlang wa ka Northeast Slow Food and Agrobiodiversity (NESFAS) da pynman ki yaka yakob chet baam tynre sa ha ka chnong Cham Cham ha ka 11 tarik uni u bnai.
Ha kani ka sngi da em 10 ngut kiwa chimbynta kiwa napoh ka chnong Cham Cham kiwa da pynyoo yei sap chet wa i mahajon ki baam tynre ha kani ka chnong.
Kiwa jop ha kani ka sngi toh ka Yona Dkhar wa ka Mil Dkhar kiwa da chet da i ‘Ja Chru’ kiwa da khana wa katni ya i ja chru da duna kiwa chet wei i ja chru toh iwa em Vitamin kawa yarap khamtam ya ki khynnah wa em ka Calcium kawa yarap ya i chyieñ wa i pynheh ya ki dohksah.
Kiwa wan wa ar toh ka Shim Phawa wa Rily Phawa kiwa da chet ya i ‘Ja Kre’, wei kini kiwa chet da batai ki wa nachwa boon kiwa ya baam ya u kre tangwa katni da duna bha, wei da toh por wow pynkhai im biang ya oo.
Kiwa wan wa le toh ka Arti Kyndiah wa ka Jan Phawa kiwa chet ya u ‘Yajew Khloo, Pachor wa ka Chru’.
Ki jhoor kiwa da pynemkaam hawa pynkhreh ya ki baam kynthup ki yaka pachor, ki jhoor khloo, dathli, mule, chyieñ toh wa kiwi kiwi.
