Jowai : Ka skur Government Boys’ Higher Secondary School Jowai ha ka 6 tarik uni u bnai da pynman ko ya ka Inter-school Competition kam chi bynta i lai chakhmat wow pynemwarom yei dap 75 snem ka skur.
Ya kani ka yakop Inter-school da pynman ha District Library Auditorium heiwa da wan chim bynta da 13 tylli ki skur, 12 na Jowai ka wi na Ummulong.
Da wan sakhi lang ya kani ka sngi da u ma S.C. Laloo Additional Deputy Commissioner, ki wa sikai, ki khynnah skur heiwa da wan sakhi ya ki yakop kam i ya Rwai, Group Song, Group Dance, One Act Play wa kiwi kiwi.
Haka yakop solo song i naam nyngkong da rah da ka Ardaki Lamare naka skur Govt. Boys Higher Secondary School Jowai, wa ar u Francis Phawa na Thomas Jones Synod College, wa le u Jake Lucken Shullai naka skur Q.C. Springside Secondary School.
Ha ka yakop Group Song i naam nyngkong da yoh da ka Govt. Boys’ Higher Secondary School, wa ar ka Govt. Girls’ Higher Secondary School wa le won ka Q.C. Springside Secondary School.
Ha ka yakop Group Dance da yoh nyngkong ka Govt. Girls Higher Secondary School wa ar ka Little Flower Higher Secondary School Ummulong, wa le won ka Govt. Boys’ Higher Secondary School.
Haka One Act Play da yoh nyngkong ka Govt. Boys’ Higher Secondary School, wa ar ka Q.C. Springside Secondary School wa le ka Thomas Jones Synod College.
Yei naam Best Guitarist won da yoh rah da u Iakyrda Nongpluh na ka skur Govt. Boys’ Higher Secondary School.
Discussion about this post