Jowai : Ka seiñ FKJGP Jaiñtia Hills ha kani ka 9 tarik da pynman ko ya ka yalang hapyrdi yong ka wa kiwa kreh ka Tnat Health Department kiwa dooh tulop.
Ha kani ka yalang wa da pynman ha District Library Auditorium da pyllai da u Organizing Secretary ka seiñ u ma DS War.
Ha kani ka yalang da pynap pynsñiaw kiwa dooh tulop ya i eh i khoo wa takhooh ki man la ka sngi.
Pyn waroh kiwa dooh tulop em ki Hadooh 133 ngut wei kiwa boon na ki toh kiwa kreh nurse.
Hadien ka yalang ka seiñ FKJGP da iwi i sur da rai ki wow lai yachem ki nadooh u DM&HO, u DHS wa ya u Montri ka tnat Health Department wow leh yeiwa emkaam neibynta i bha i miat wei wow ye ki nurse u e i chakri wa pura cha ki paidbah.
“Ymhoi u strike neibhah kreh ki neibynta i mynsien kiwa emkaam ya i” da ong kawi nurse.
Discussion about this post