Jowai: Ka Meghalaya State Development Reform’s Commission (MSDRC) khnang wow pyllai bait yei rukom pynkrehkaam ya ki scheme sorkar da pynman ko ya ka review meeting ha West Jaiñtia Hills District ynnin ka sngi ha Conference Hall u DC Jowai.
Ha kani ka yalang da wanpoi hadooh 17 tylli ki tnat sorkar heiwa da yaklam hajrong i pynkrehkaam ya ki scheme wei ka mang poisa neibynta u snem 2015-16, 2016-17.
Neiliang ka MSDRC da kyntu ko ya ki tnat sorkar wow pynbna paidbah ya ki scheme wa pynkrehkaam ki wei wow hikai wow myntoi ki paidbah. Da kyntu ya ki tnat wow yakrehlang ki neibynta ki paidbah kiwa chong chnong.
Ha kani ka yalang ka MSDRC da emlang u Sengman R Marak, Ex- MLA, Co-Chairman, Meghalaya State Development Reform’s Commission, Suraj Prakash Thapa, Co- Chairman, MSDRC, Vajay Raj, Vice-Chairman, MSDRC, Lamphrang Blah, MDC KHADC, Vice- Chairman , MSDRC, Dr. Fenela Lyngdoh, Non-Official, Member, Meghalaya State Development Reforms, Legal Forum, u R. Rapthap, Deputy Commissioner, West Jaiñtia Hills District, u F.M Dopth, MCS, Member Secretary Meghalaya State Development Reform, u D.M Wallang wa kiwi kiwi.
Discussion about this post