Kam chibynta wow pynkhlan ya ka Thadlaskein Sports Association wow myntoi ki paidbah hapoh ka Block, da pynman ya ka yalang ha yung krehkaam u Block Development Officer ha ka 11 tarik wow pynbait ya ki ujor na ki Waheh Chnong wei wow pynim biang ya ka Association kawa da yap la 7-8 snem kattu.
Kiwa wan yalang da ban ki wow pynche hajrong kini ki phang ha wah:
Ka Thadlaskein Sports Association u pynman ko ya ka lympung Football Tournament ha u Naichiphaw 2023 namo chwa ini.
Ka Thadlaskein Sports Association u pynyinsur ko ya i por wow pyndap pyrtuid wow yoh i tipmit (Registration and Affiliation) na ki dhab yalehke namo ki Football Clubs neibynta ka lympung hadooh u Naikhynde uni u snem heiwa da yooluti wow wan chiboon ki Club.
Ka TSA u pynkhreh ko ya ka bui (Report) krehkaam wa i em poisa poilaiñ wei wow khut ya ka yalang bah namo ka Annual General Meeting wow jied ya kiwa kitkaam wa thymme hapoh 20 sngi hadien wa kut ka lympung wei yeini toh u pyndep hapoh uni u snem.
I hok wow jied ya kiwa kitkaam toh du ya ki Club wa tipmit da ka TSA.
U Block Development Officer da e khublei u ya waroh ki President, General Secretary, ki dkhot ka TSA, ki Waheh Chnong yong ki chnong wa em hapoh ka Thadlaskein C&RD Block kiwa embynta hapoh ka TSA.
U Block Development Officer da yaroh u leh ya i ye u pyndep ya ki kaam wa sahteiñ hei wow pynku ya ki kaam Sports hapoh ka Block.
Discussion about this post