Jowai: Ka seiñ All Jaiñtia Studénts Union (AJSU) da pynman ko ya ka Awarness Program hajrong ka HIV/AIDS namo ka pynsñiawthooh paidbah hajrong kani ka kjut kawa smat u poor wei kawa da roi bha hapoh ka jylla khamtam ha ki thaiñ nongkyndong.
Ya kani ka pynsñiawthooh paidbah da leh hei yakrehlang wa ka Family Health International 360.
I thmu yong kani ka pynsñiawthooh toh wow pynche ya ki paidbah ya ki laad wa kammon u yada ki wei wow kiar ki na uni u khniang.
Ya kani ka yalang da pyllai da u Pilar Phawa uwa man leh kam u Working President ka AJSU.
Da yoh yei klam na u Isaia Muskor uwa man kam u Sanitary Inspector ha PHC Nartiang uwa man leh kam u Symbood Kongsan uwa pynchlur wow e snaam sñiawbha ha Blood Bank wei wow pynemkaam da u Condom hawa yahaap kurim.
U kongsan ha kani ka sngi u Dr. L. Lamare kam u Incharge ka Ummulong CHC da ong u wa ki bru kiwa yoh ya uni u khniang HIV hapyrdi i rta wa 15 hadooh 49 snem boon bha ki deiwa kyntu ya waroh wa ymhoi u chongkha kulmar ki.
Kiwi kiwa da klam toh ka R. Pohtlong kawa man kam ka Field Mentor, ka FHI 360 West Jaiñtia Hills District wa u Asst. General Secretary ka seiñ uwa da e ki kyntien khublei.
Discussion about this post