Jowai: Ka Jowai Trader Association (JTA) da pynman ko ya ka yalang paidbah ha ka 25 tarik uni u bnai heipor 3:30 i sngi hei emlang ka President ka seiñ ka R. Mylliempdah, u Superintendent of Police ka WJHD u Vivek Syiem, u OC/Traffic Incharge u D. Pde, u Organising Secretary ka JSU-CB u Yoosar Kynjing, u President ka JSU Jowai Circle u Neal Jordan Rymbai wa kiwi kiwi de.
Kani ka yalang toh kawa pynman kyrpang neibynta wow pynsñiawthooh wow kiar ki na ki kaam wa sih yow lait u chah kdoh ha ki boonjait ki jait dih pynmuaid wa boonjait kam ka kiad wa ki drugs kiwa pynsih ya ka imlang sahlang.
U SP hei klam yong oo da pynsñiaw paidbah u wa smat u wow krehlang wa ki paidbah ha iwon iwon i por wei ka yungkrehkaam man ko kawa wai bait ya ki paidbah ha iwon iwon i por.
Hadien wa wai kani ka yalang, neiliang u SP wa ki dkhot ka JTA waka JSU da pynman ki ya ka kynreh ya ki dukan dai kiad be-aiñ wa em ha Iawmusiang wei u SP da maham u ya kini ki bru wow sangeh noh ki chi syndon wei ya kiwa dai drugs lada chem daw pynchitom ya ki katkam aiñ.
Ha kawi won ka khubor, ka President ka seiñ JTA da pyrchah ko yei chah kyrriah kaam ki sahep kam ya u DTO ka WJH wa da kreh du kattu katni bnai donhi wei ym yoo sñiawthooh yeiwa leh ka sorkar.
Ka President da yaroh ko leh ya u SP ka thaiñ uwa kreh chitom met wa mynsien uwa da em katni dang san bnai ha ka District wei ngait skem ko wa u neh u hadooh wa kut i por wa toh u neh u.
Discussion about this post