Ka Jaiñtia Students’ Movement (JSM) Central Executive Committee da hiar ko cha ka chnong Mustem ynnin ka sngi wow pynkhai ya ka chnat thymme ka wow tip kam ka JSM Mustem Unit hapoh West Jaiñtia Hills District.
Ya ka yalang da pynlai da u Skhembhalang Dkhar, Vice President ka JSM CB wei da yoh i klam pdiang burom na u President thymme ka Mustem Unit, u Pynshaitlang Talang.
Ha kani ka sngi pynskem ya ki dkhot da wan kyrchaan lang kiwa kitkaam ka Central Body nadooh u Edahunbait Lamare, I/C Western Region, u Vice President, u Jimmy Raul Kharmuti, u Working President CB, u Cleofast Shylla, u Discipline Secretary ka CB, u Donkupar Kharkrang, u Vice President Eastern Region wa u PS Phawa, Chief Organising Secretary CB wei da yoh ya ki kyntien sneiñ kyntu na ki khlieh ka CEC.
Ya kani ka pynskem da chimkti wei pynbaam smai da u Roitre Dkhar uwa man leh u General Secretary ka Central Body JSM.
Ha ka yalang da kyntu nadong chadong wow man kiwa tip bru tip Blai wow burom wei wow ngait ya kiwa kitkaam ka seiñ khnang wow ye u kreh ya ka chnong wa ki paidbah.
Neiliang u Roitre Dkhar da pynkynmoo u ya ki dkhot ka Unit wow kynmoo u wow kreh lang wa ka chnong.
Ka seiñ da yachem ko leh ya u Symbood Montri Rangbah ka jylla, u Sniawbhalang Dhar hajrong ka Science College ha chnong Mustem wei wow booddien ya ka. Da kyntu leh ya waroh wow man kiwa em akor burom wei wow chakri ya ka Ri Jaiñtia.
Kiwa kitkaam ka JSM Mustem Unit kynthup ki ya kini ha wah:
President: Esalanmio Talang
Vice President: Pamusa Rymbai
Secretary: Pynshaitbormi Nongpluh
Asst. Secretary: Hao-ki Barry
Organising Secretary: Khrolangki Shylla
Asst. Organising Secretary: Firmly Dkhar
Finance Secretary: Finalson Nongpluh
Asst. Finance Secretary: Lucky Star Shylla
Education Secretary: Samewan Talang
Sport Secretary: Kyntulangki Bang
Asst. Sports Secretary: Ninety Full
Discipline Secretary: Samewan Talang.
Da jied leh ya ki 10 ngut ki dkhot ka Executive Committee.
Discussion about this post