Shillong: Neidaw wa em wa yoh COVID-19 wei em leh kiwa em hei maa wow yoh ya uni u khñiang ha ki yung wa em ha Riat Laban East, Madan Laban kamtæ da emkaam wow leh yei booddien ya kiwa yachem kamjooh kiwa yachem pateiñ wa kiwa yoh COVID-19 yow ye u leh yaka Test, Quarantine wa kiwi kiwi, da emkaam wow khangkset ya kini ki thaw yow yada ya ki paidbah nei poor uni u khñiang kamjooh yow khang yei mih i psiah ki bru khlem da yoh bor cha kini ki thaw.
Kamtæ ka District Magistrate, East Khasi Hills District, haka hukum wa pynmih haka 26th August, 2020 da pynbna ko ya i yung wa sah ka Sanjita Das wa u U. Deb ha i pchem (Compound) ka I. Kharmudai, Riat Laban East, Madan Laban u man ki kam ki Containment Area nadooh ka 26th August, 2020.
Na ki jooh ki daw da pynbna leh ya kini ha wah kam ki Containment Area.
Da pynbna ya i Nevelda Nongrum Building wa i Ram Niwas Compound ha Pynthorumkhrah-Golflink kam i Containment Area.
Da pynbna leh ya i B. Dohling Compound wa em ha Mawkhar Main Road kam ki Containment Area.
Ha waroh kini ki thaw, da khang ya kiwon kiwon ki bru wow psiah cha kini ki thaw, kiwa em hapoh kini ki thaw wow neh bait ki hapoh yung.
Da khang wow pynman ya kiwon kiwon ki yalang paidbah, ki khayi pateiñ, u wai ki dukan, ki yung krehkaam sorkar wa ki yong ki bru samen wa em hapoh kini ki thaw. Ya iwa emkaam daw pynbiang da ki bru ki bor pynlai District.
Kani ka hukum ym em khang ko ya ki wakreh i chait i khiah, ki wakreh ka Shillong Municipal Board, ki laad pathai khubor, ki Petrol Pump, kiwa li booh kum LPG wow leh yei kaam yong ki.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
