Jowai: U Deputy Commissioner ka West Garo Hills u Ram Singh, ynne ka sngi da pynmih hukum u wow khang ya waroh ki dukan wa dai sikret wa waroh ki jait duma cha ki khynnah wei da pynmih hukum ya ini hadien wa da em kiwa ujor wa ki dukan wa em chajan ki thaw puræ kamjooh cha yaw cha haat wa leh ki ya ini khlem pyrkhat iwa da man pyrchah yaka Section 6 ka Cigarettes and other Tobacco Products Act, 2003 (COTPA) kawa khang wow dai sikret wa ki duma cha ki khynnah wa em hapoh 18 snem.
Kani ka aiñ leh e bor ko yaki pulit wa ym duna yaka kyrdan Sub-Inspector namo kiwon kiwon ki sahep ka State Food or Drug Administration wow kem ya ki mar lada dai ya ki cha ki khynnah wei ya kiwa leh pyrchah daw pynchitom katkam ka aiñ.
U DC da pyntip u leh wow dai sikret, dai duma ha ki dukan wa em chajan ki thaw puræ man ko leh pyrchah yaka hukum ka Supreme Court.
Kamtæ u DC da pynmih hukum u wow khang dai sikret, dai duma cha waroh ki khynnah wa dang hapoh 18 snem khamtam ya ki dukan kiwa em hapoh 100 Yard na u pood u ang ki thaw puræ wei waroh ki dukan leh toh u wah ki yaka notice kawa ong, “Sale of cigarettes and other tobacco products to a person under the age of eighteen years is strictly prohibited and is a punishable offence.”
Discussion about this post