Jowai: Ka yungkrehkaam u Deputy Commissioner (Election) ka West Jaiñtia Hills da pyntip ko wa ka Election Commission of India (ECI) da pdiang ko wow pynmih ya 11 tylli ki Polling Station ha ki 4 tylli ki Constituency ka West Jaiñtia Hills.
Da pyntip wa ha 1-Nartiang Constituency da pynmih ya ka Mukoh Polling Station, Iongsnieh Takniang wa ka Mynsngad Rakhwi iwa mut waroh kattu ha kani ka Constituency da poi 56 tylli ki Polling Station.
Ha ka 2-Jowai Constituency da pynmih ya ka Dongmihsngi-B, Mynthong-B, Dulong-C, Dulong-D, Chilliangraij-A wa ka Chilliangraij-B. Waroh ki Polling Station hapoh kani ka Constituency da poi ki 52 tylli.
Ha 3-Raliang Constituency da pynmih ya ka Nangbah Iawmusiang-B wei da poi ki Polling Station waroh cha ka 49 tylli.
Ha 4-Mowkaiaw Constituency da pynmih ya ka Mowtyrchiah Neng-B Polling Station wei ha kani ka Constituency waroh ki Polling Station kattu da poi ki cha ka 49 tylli.
Ha waroh kini ki 4 tylli ki Constituency kattu waroh da em 206 tylli ki Polling Station.
Da pyntip wa da leh ya ini wa toh ki kyndon ka ECI da ong ko wa cha ki thaw wa cha sor toh u em 1400 ngut kiwa thap Vote ha kawi ka Polling Station katwa cha nongkyndong won toh u em 1200 ngut.
Sa iwi i daw wa leh ya ini toh wa ha kani ka Election wow wan daw pynemkaam ya ki kor Voter Verifiable Paper Audit Trail (VVPAT) ki wow pyntikna wa ka kor EVM jied ko ya u kyrtong wa chon ki paidbah wei ym em bakla ko iwa ye u pynslem yei por wa chim u thap Vote kamtæ da pyrchang u pynboon noh da ki Polling Station.
Discussion about this post