Ka Forbes kawa man kam ka Business Magazine kawa pynmih yei pyrtuid ki bru wa mahajon dooh hapoh pyrthai, ha ka thup wa thymme wa dang pynmih, u Bernard Arnault uwa na France da man u kam u bru wa mahajon dooh deiwa chongdor u $235.6 Billion hanla dang dep hiar dor u da $1.1 Billion.
U Bernard man u u tre ka LVMH kawa hapoh yong em ko yei pyrtuid wa pawnaam wa kynthup ya ka Louis Vuitton, Christian Dior, Fendi, Givenchy, Marc Jacobs, TAG Heuer wa kiwi kiwi de.
Hei wa ar da em u Elon Musk uwa man kam u tre ka Tesla wa SpaceX uwa chongdor $194.2 Billion, hei wa le da em u Jeff Bezos u tre ka Amazon katwa hei wa soo da em u Mark Zuckerberg u tre ka Facebook.
U Bill Gates uwa jooh ksoh yei naam mahajan dooh da boon sien da em u hei wa 7 deiwa chongdor $129.9 Billion uwa man kam u tre ka Microsoft.
Na India da em arngut kiwa da mih pyrtuid kitæ u Mukesh Ambani uwa da em hei 11 uwa chongdor $. 112.4 Billion wa u Gautam Adani uwa em hei 18 uwa chongdor $78.8 Billion.
Na ki 20 ngut kiwa mahajon dooh hapoh pyrthai, 14 ngut toh kiwa na USA.
Deiwa kheiñ yaka poisa ki 10 ngut kiwa mahajon dooh, da tam ki ya ka GDP yong kiwa boon ki ri ka pyrthai iwa da pynyoo wa kawa boon ka poisa hapoh pyrthai em ko ha ki kti ki kattu katni donhi.
Yei pyrtuid waroh kini ye phi u pait ha Forbes kawa pynyoo man ka kynta ka minit yei ku wei hiar ka poisa kini ki bru.
Discussion about this post