Heiyatoh wa i lehkmen yaka Holi kawa daw man haka 29 tarik uni u bnai, neiliang ka sorkar Meghalaya da pynmih kyndon ko wa kammon wow lehkmen ya kani ka sngi.
Da khang wow pynman ya ki yalang paidbah lane ki lehkmen paidbah ha ki thaw paidbah kam ha ki madan, ki Park, ki yaw ki haat kamjooh ha ki yung niam.
I ya brait rong abir toh u leh du hapyrdi ki chi yung chi sem hapoh u pood u ang i yung i sem wei ym toh wow leh cha sarok lane cha rood sarok wei ym toh leh wow pynthut yei lai i wan ki bru.
Lada leh yei lehkmen ha ki yalang yong ki bru samen, hap wow bood yaka kyndon ka Home (Political) Department wa da pynmih haka 02-02-21 heiwa toh u em ki bru 75% donhi na iwa hoi u em ki bru ha ki thaw wa pynman.
Hap leh wow bood ya waroh ki kyndon yada kam i deiñ ya ki Mask, i booh ya ki thaw saitkti wa kiwi kiwi.
Ym chah wow em ki kynhun rwai wei waroh ki lehkmen toh u kut ki chwa i 8 waje i miet.
