Ka chnat Health & Family Welfare ka sorkar Meghalaya ynne da pynmih kyndon ko heiyatoh wow wai noh yaki yaw ki haat kam chibynta wa da pynduna yaka Lockdown.
Ki kyndon ya waroh ki yaw man ki kamni:
- Waroh ki Market Committee toh u chna ki yaka ‘Market COVID-19 Management Committee’ ka wow pyntikna yei pynkrehkaam yaki kyndon wa pynmih daka chnat i chait i khiah.
- Waroh ki yaw toh u pyntikna ki wa biang ki thaw siat-kti thaw pynkhooid yaki kti.
- Kiwa chong dukan toh u kitkhlieh ki wow pynyajngai uwi ya uwi ha waroh i por.
- Ki bru ym toh u ya khublei kit ki, u yabi ki næ u yakdung ki manda yachem ki.
- Waroh kiwa wan thied toh u deiñ ki yaki Mask. U pyntikna ki waki kti yong ki u man ki kiwa khooid wei wow yajngai uwi ya uwi.
- Waroh kiwa chong dai leh toh u deiñ Mask ki deiwa tymmoh yei khmut, i ktien wa i tangbieñ ha waroh ki por.
- Ki Market Committee toh u booh ki daki kuna wow pynngat ya kiwa leh pyrchah nadooh ki tre dukan kamjooh ki bru paidbah kiwa ym deiñ Mask wa kiwa mynthu haki thaw paidbah.
- Ki Market Committee toh u pyntikna ki wa da pynkhooid yaki yaw chwa wow wai wei wow pynkhooid dei langær yaki bynta wa khlan ki bru wow tba.
- Toh u booh leh deiwa thoh yaki kyndon wa hap u bood haki ktien wa sñiawthooh ki paidbah.
- Ki Market Committee toh u pyntikna ki leh wa ki bru wanrah ki da ki yong ki hi ki muna wei wow yait nei pynemkaam yaki muna Plastic, neidaw wa u khñiang kjut neh slem u haki thaw wa satliang hawa nujor kam haki that.
- Toh u booh leh dei por wa tbian wa ye ki bru u em hapoh dukan yow lait na i poor u khñiang.
- Ki yaw ki haat toh u pynchlur ki wow dam u pynemkaam daki kot poisa deiwa leh daka Cashless Transactions katwa ye.
- Ya i jhep toh u noh deiwa bood yaki kyndon ka CPCB. Ym toh u pyntaroi yaka yaw.
- Ki DC deiwa ya krehlang waki Market COVID-19 Management Committee ye ki wow rai hadooh katwon tylli ki dukan wa ye u wai.
Ki kyndon yaki yaw wa pynman chisien chi tayaw wa yaki wa em cha rood sarok nalor ki kyndon wa da pynbna haneiñ:
- Kini ki yaw toh u pyntikna ki wa u yajngai 2 meter iwi i dukan na iwi.
- Kiwa wan thied hap ki wow yajngai uwi na uwi.
- Ym toh u psiah khynnia ha iwon iwon i dukan.
- Toh u pynbiang yaki thaw sait-kti.
- Kiwa dai toh u deiñ Mask wei wow sap sap-kti ha waroh ki por.
- Kiwa wan thied toh u sap Mask ki ha waroh ki por, wa kynthup heipor wa yaklam wa kiwa dai wei wym toh u mynthu ha ki thaw paidbah.
- Ya kiwa dai, da pynchlur yaki wow song chwa yaki mar.
- Toh u booh leh deiwa thoh yaki kyndon wa hap u bood haki ktien wa sñiawthooh ki paidbah haki thaw psiah.
- Ki paidbah ym toh u ya dih lang ki ya u jooh u sikret, u biri, u ya saam lang ya u kwai waka duma.
- Toh u booh jar jiar ki thaw psiah thaw mih.
- Ki paidbah toh u rah ki yaki yong ki hi ki muna.
- Ya i jhep toh u noh katkam ki kyndon wa booh daka CPCB. Ym toh u pyntaroi yaki thaw wa pynman yaw.
Lada ym ye wow bood ya kini ki kyndon, ki DC yei ki wow pyndooh yei e bor wow wai ya kini ki yaw.
I pyntip na u Commissioner& Secretary ka Health & Family Welfare Department ka sorkar Meghalaya.
