Ka sorkar Meghalaya lyngba ka chnat Health and Family Welfare ynne ka sngi da pynmih kyndon ko heiyatoh wow leh ya ka RAT Test manda em kiwa yap ha yung.
Ka sorkar da ong ko wa lada em wa yap ha yung ym toh ha ki thaw sumaar, ya kiwa yap ye wow leh da ka Rapid Antigen Test (RAT) yow tip ya ki daw wa yap wei lada toh kiwa yoh COVID-19.
Ki District Surveillance Team lane u Medical Officer ka thaw sumaar wa em hajan dooh daw rai ki kammon wow Test ya kiwa da khlaad.
Lada chem toh kiwa yoh COVID-19, ya i metyap daw leh ya iwa emkaam pyn ha yung da ki bru ka chnat i chait i khiah katkam ki kyndon wa da booh.
Daw pait chwa nyngkong lada ha ka chi tayaw wa da lai chwa lada kiwa khlaad em ki yei iñdoh, ky’oh, i chitom wow riñ mynsien, ym bang ja, i tlot bor wei em yei pynhiar. Lada kiwa khlaad toh kiwa yachem wa kiwa COVID-19 lane kiwa em hei maa namo ki High Risk Contact, lada em kiwa ha yung kiwa yoh COVID-19 wei lada joor i poor ka khlam hapoh i chnong/dong wa sah lane haap i hapoh i Containment Zone.
Ki Doctor daw phah ki ya kiwa hayung ha sem wow phah Test ki wei wow yah luti kammon u leh ki. I chim nongmuna leh toh u leh pyn ha yung kiwa khlaad lane ha i thaw sumaar wa em chajan dooh.
