U In-charge District Magistrate ka West Khasi Hills da pynmih hukum u yow kdoh u khoom yei poor ka khlam COVID-19 deiwa pynkrehkaam ya ka Night Curfew nadooh ka 3 tarik uni u bnai hadooh ka 10 tarik uni u bnai heipor 11:00 waje i miet hadooh 5:00 waje i step deiwa pynlait ya ki kari kit mar wa ki kari wa em hei sumaar sukhær.
I lai i wan kiwa napoh ka District pyn hapoh ka District wa cha kiwi ki District toh deiwa booh kyndon deiwa emkaam wow paan bor na u DC deiwa pynlait leh ya ki kari wa leh ki kaam wym hoi u dam, kiwa pathai khubor wa kiwa lai ya ki kaam sorkar.
Kiwa leh ya ki e-Commerce, Home Delivery, ki dukan Hardware wa kiwa leh Courier hap ki wow paan bor chwa.
I wai ya ki dukan wa i leh ya kiwi ki jait kaam ki wym toh kiwa emkaam daw pynbait da ka Dorbar Chnong lane da ka Covid-19 Market Management Committee deiwa yaklam wa u Incident Commander.
Ha ki thaw mane Blai u chah wow em du 75% ki bru na iwa chniam heiwa ya kiwa em 65 snem chaneiñ, kiwa da em chwa i chitom, kiwa punkhon wa ki khynnah toh u neh ki ha yung.
Ym khang wow wai ki skur deiwa bood ya ki kyndon sorkar jylla wa da pynmih ha ka 27-08-21.
Ki University ki College Hostel da chah u wai ki deiw yoh bor na u DC deiwa bood kyndon wa da pynmih da ka sorkar jylla ha ka 17-09-21.
Ki thaw kreh ka sorkar jylla waka sorkar pyrdi ye ki wow wai deiwa em ki wakreh 100%.
Chah hi leh wow wai ki thaw uiñke suwari deiwa bood ya ki kyndon ka Tourism Department.
Ki Restaurant ki Bar u wai ki deiwa em 50% ki bru deiwa bood ya ki kyndon sorkar.
Hawa em i yap bru u chah du 50 ngut ki bru.
Ki yalehke Sports ki wym hap u yabi para bru ym khang deiwa yoh bor chwa. Kamjooh ki Gym, ki thaw leh Yoga, ki Fitness Centre leh emkaam ki wow yohbor chwa.
Heiyatoh wa ki bia kiwa pynman cha baar ki thaw mane u chah 1/3 na iwa hoi u em bru wei 100 ngut ki bru lada pynman ha ki Hall lane ki thaw wa heh wei 50 ngut lada pynman ha ki yung ki bru samen.
I lai ki kari kamai cha East Khasi Hills daw booh kyndon da ka DC ka East Khasi Hills District.
Ki yalang dorbar chnong, ki e sikai, ki yalang yong ki bru samen hap wow yoh bor chwa na u DC lane u SDO (Civil) deiwa chah wow em bru 1/3 na iwa chniam.
Da phah leh ya waroh ki dukan, ki kari kamai wow pynyoo ki deiwa thoh (Vaccinated/Not Vaccinated) lada toh kiwa da dep chim tika namo ym em.
