Jowai : U Comptroller ka Examination yong ka MBOSE u ma T.R. Laloo da pyntip u wa ka Examination Committee hadien wa da chong pyrkhat ko ha ka 22 Naisaphra da pyntip ki wa yaka ka Internal Examination neibynta ki class XI daw lai bait ki kamwa jooh.
Da pyntip leh wa ha uni u snem ya ki jingkylli (Common Question Papers) ym e de da ka Board heiwa waroh ki skur haap pynkhreh ki ki yongki hi ki jngkylli katkam wa da kdaw (pattern) da ka Board.
Waroh ki skur toh u booh ki ya ki jingkylli le bnai chwa, khnang yow yoh ka Board to mynjur (verify) ya ki, kamjooh leh ya ki Answer Script.
Wow pynbait wei wow pynmih ya ki result u chong i jar jiar katkam wa rai ki skur.
Ka Board leh da pyntip ko wa daw phah ko ya ki yong ka ki bru (Flying Squad Personnel) cha ki skur yow pyntikna wa waroh ki skur pynman ki ya kini ki exam.
Da pyntip leh wa daw pynmih chooh chooh ya ki kyndon (Instruction) ha ki sngi wow wan.
Discussion about this post