Ka lehniam Behdieñkhlam ki khon Niamtre ka Raij Jowai ynne ka Mulong da pyndep ki ya ka sngi wa ar yong kani ka lehniam ya kawa da tip leh kam ka ‘Soo Sngi Le Yaaw’.
Heipor wa ki chynrang na Kmairaij wa ki Khonraij da wanrah ki ya ki Dieñkhlam wa ka Khnong Blai cha Iawmusiang wa ha Loom Sooiung da man i iwa chongchit heiwa da em leh ki khynnah kynthai kiwa da chimbynta ha i chaad ha ini i por ha tymbud luti wot hei wow choh leh ya ka bom chirup wa kiwi ki chynrang wei kieh ka bikur, ka bhuri wa ki chæng chæng.
Kiwi won ki manbei wa ki khon kynthai na jar jiar ki chnong ki thaw ka Raij Jowai wa na Seiñ Raij dei mynsien wa khooid wa kyllooid ha tymbud luti da wan pynchonchit ki ya ki chynrang wa wanrah ya ki Dieñkhlam.
Da sakhi leh wa ki manbei wa ki kynthai da sap ki dei riam tynre kam ki dara, muka, thohsaru wa kiwi kiwi chirup wa kini ki riam da deiñ da kieñ ki ha rynyieñ ya u paila, u laket, u kpieñ, ki khadu wa u kynjri ksiar, rupa wa tama.
Ini waroh toh ki dak wow pdiang ya u Trekirot kamjooh ya ki Sangia Saret, ki Blai Yung Blai Sem yow kyrkhu kyrdoh ki ya i wow yoh i yei chait, i man khih, kamjooh wow yoh i yei yada na iwa sih wa roi ya ki khon u Ynñiaw Wasa Ynñiaw Wasung khnang wow pdiang ya u Trekirot kamni man-u-snem.
![](https://i0.wp.com/wyrta.com/wp-content/uploads/2023/07/dwrhj8.jpg?resize=960%2C541&ssl=1)
![](https://i0.wp.com/wyrta.com/wp-content/uploads/2023/07/yhtf7.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2023/07/yhtf9.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2023/07/yhtf8.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2023/07/yhtf6.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2023/07/yhtf5.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2023/07/yhtf4.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2023/07/yhtf3.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2023/07/yhtf2.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2023/07/yhtf1.jpg?resize=960%2C540&ssl=1)