Hadien wa pynmih hukum ka Ministry of Home Affairs (MHA) heiyatoh wei liwan yung kiwa khih mylla, kiwa uiñke suwari, ki khynnah puræ wa kiwi kiwi, neiliang ka Indian Railways da booh ko ya ki rel wa kyrpang watip kam ki “Shramik Special”.
Katkam wa man hadooh i synyaw ka 15 tarik da em 1074 tylli kini ki “Shramik Special” ya kiwa da pynkrehkam neibynta ki jylla waphær waphær ka ri. Da em leh palat 14 lak ngut kiwa da pynpoi biang cha jar jiar ki jylla du hapoh 15 sngi.
Da em kamwa 2 lak ngut kiwa da kit ha ka chi sngi ha kini ki 3 sngi wa da lai wei da yooluti wa ha ki sngi wow wan daw ye u kit hadooh 3 lak ngut chi sngi.
Kini ki 1074 tylli ki Shramik Special Train da sdang mih ki na Andhra Pradesh, Delhi, Gujarat, Haryana, Maharashtra, Punjab, Rajasthan, Tamil Nadu, Telangana, Karnataka, Kerala, Goa, Jharkhand, Uttar Pradesh, Madhya Pradesh wa Bihar.
Kini ki rel da lai ki cha ki jylla kam cha Andhra Pradesh, Assam, Bihar, Chhattisgarh, Himachal Pradesh, Jammu & Kashmir, Jharkhand, Karnataka, Madhya Pradesh, Maharashtra, Manipur, Mizoram, Odisha, Rajasthan, Tamil Nadu, Telangana, Tripura, Uttar Pradesh, Uttarakhand wa West Bengal.
Kini ki rel Shramik Special Trains, da kit ki ya ki bru hadien wa leh ya ka Screening heiwa da e marbaam wa ka um mynkna ya ki.
Discussion about this post