Jowai: Ka Rotary Club Jowai kamwa jooh man ha ki snem wa dalai ha ka thong wow pynheh pynkmai yei man ka seiñ, ha ka sngi Musiang 30 tarik Naisaphra i janmiet ha Infinity Hall, Mooralong dachim ko wow pyndep ya ka Induction Ceremony neibynta ki niaw ngut ki dkhot wa thymme yong ka.
Ya kani ka Induction Ceremony dawan sakhilang da u Kailash Verma, PHF IPP Rotary Club Shillong kam u kongsan wei da pyndep u leh ya ka bynta wa kyrpang yong i pynpsiah dkhot iwa man katkam wa pynjooh, sikai hapoh ka seiñ.
U Rtn. B. Lytan PHF Vice President daman u kam u chongknor yong kani ka prokram heiwa u Rtn. R.E. Laloo, PHF Secretary da yieñ u wow e ki kyntien pdiang burom katwa u Rtn. S.K. Lato, MPHF, President Elect yieñ u wow e ki kyntien yahkhmat deiwa batai ya ki sarin wa ki yurim krehkaam ka seiñ heiwa da khanna u leh katkam ka Calendar yong ka Rotary u Naisaphra toh u bnai uwa ka seiñ ha chityllup ka pyrthai chim ki wow pynman ya ka Induction Ceremony.
Chwa wow poi ka bynta wa kyrpang yong i pynpsiah dkhot ya kini ki niaw ngut da em chwa i puræ yei parom watbian yong ki iwa da pynsñiaw da u Rtn. S. Laloo, Chairman Membership & Development, da u Rtn. M. Passah, PHF Chairman Literacy, da u Rtn. Lakhon Laloo wa da u Rtn. D.F. Majaw PHF Director of Club Service.
U Rtn. M. Gatphoh hei e kyntien kam uwi na ki dkhot wa thymme yong ka Rotary ong u ka Rotary ha O ym toh de kawa thymme heiwa nadooh i por khynroo yong-O da embyntalang u wa kani ka seiñ wei i daw wachim u wow pteiñ won kam u Rotarian toh chem u wa kani ka seiñ em ko ki yurim krehkaam wa miat wabha kiwa man neibynta i bha yonglang.
Ka Rtn. Ester F. Gatphoh, MPHF AG hei klam e mynsien ya ki dkhot wa thymme, ong ko ka Rotary toh ka seiñ kawa kreh ha ka yurim wow chakri ya ka imlang sahlang ha ki rukom waphær kamtae kyrsu kyntu ko ya ki para Rotarian wow man ki ka nongmuna wabha ya kiwi deiwa leh ya ki kaam wa bha kamtæ ka seiæ u yoh ko yei chaniah wei yakrehlang na ki paidbah wa chong chnong.
Ki niaw ngut ki dkhot wa thymme yong ka Rotary ha uni u snem toh u Rtn. Mewot Gatphoh, u Rtn. Longda Bamon, u Rtn. Meki. Phawa, ka Rtn. Eudora Fiona Gatphoh, ka Rtn. Wanheisuk. Laloo, Rtn. G Rymbai, Rtn. Margaret Phawa.
U Rtn. Kailsah Verma PHF IPP Rotary Club Shillong hei e kyntien kam u kongsan, kdar u wow khana pynsñiaw malum mala chaphang ka Rotary heiwa da ong u leh kynmoo wa i pyniasoh yong-i wa kani ka seiñ ymtoh wa em i myntoi samen yong-i neibhah ka Rotary yieñ ko haka yurim wow chakri yei miat i bha ka imlang sahlang neitæ e mynsien wei kitbok kitrwiang u ya ki dkhot deiwa ong man ki bru wakreh hok yei kamram neibhah i miatdur wei sihdur ka seiñ chong i ha i ki dkhot.
Khatdooh chwa wow yoh ki kyntien sñiawngooh na u Rtn. Dr. B.Dkhar, heiyahkhmat u Rtn. Kailash Verma da em leh i purae ya ka Rotary Code of Conduct kawa man ki kyntien kular da waroh ki dkhot hei wow leh yei wamiat wabha tam neibynta i burom samen wei burom ka seiñ waroh kawi.
Photos by: SD Laloo
Discussion about this post