Pynrem joor ka SMC ya ka Head Teacher ka skur Saba Non-Government Lower Primary School

Jowai : Ka Dorbar wa ki bor chnong ka chnong Saba da pynrem joor ki ya ka Ebalin Suchiang ka Head Teacher yong ka Saba Non-Government Lower Primary School, West Jaiñtia Hills District, wa ym em pyntip ko cha ka ophis yong ka Sub Divisional School Education Officer (SDSEO) Jowai, ya ka Result yong ka Interview kawa pynman da ki dkhot ka School Managing Committee (SMC) kawa pynman nadooh ka 23 Naisan 2016, nei bynta i kaam wa sikai hadien wa da chong ngiah ka wi kawa sikai.

Katkam i rai ka SMC da ong wa u jied ki ya u/ka wa yoh marks boon dooh ha ka Interview ya i kaam wa lait ha kani ka skur.

Ha kani ka Interview da wan 6 ngut kiwa yaleh ya ini i kreh wa kynthup ya u Ramnidawan Suchiang uwa yoh 69 marks, u Chanki Sumer wa yoh 68 marks, u Wompherki Kanai wa yoh 67 marks, Happines Sumer wa yoh 58 marks, Lanosha Rongpi wa yoh 56 wa u Buddrimanki Chympa wa yoh 56 marks.

Kamtæ neiliang ka School Managing Committee da jied ki ya u Ramnidawan Suchiang uwa yoh heh marks dooh yow kreh ya ini i kaam sikai ha kani ka skur. Iwa sñiawphylla won wa ka School Head Teacher won ym pu em phah ko ya ka Recommendation yong ka SMC cha ka ophis ka SDSEO, Jowai hadooh wa ini i kaam sikai da neh thylli i khlem em wa yoh ki hadooh katni leh, iwa da jan dap chi snem.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka SMC da suba ko wa i leh kani ka Head Teacher toh yow yoh ko u thap kreh da kiwi tawan ki bru yong ka kiwa duna ya ki marks.

Hei yatoh wa ini ka SMC da pynrem joor ko ya kani ka Head Teacher.