Pynrem ka KNGC ya ka TJSC ha ka Final ka Inter-College Football Tournament

Jowai: Ka Inter-College Football Tournament kawa pynman kam chibynta yong ka lehkmen dap 50 snem ka Kiang Nangbah Govt. College da poi ko chawa kut heiwa da pyndep ya ka yakhun Final hapyrdi ka KNGC pyrchah ya ka Thomas Jones Synod College.

Ka yalehke man sakhiat ko ka yakop yakhun Final heiwa kiwa yalehke da sai lut ki ya i buit wei bor yong ki yow pynman ka yalehke kawa chongchit kawa yoosuk nadooh wa sdang hadooh wa kut.

Ka Thomas Jones da yoh ko u thap kool nyngkong tangwa ha chwa wow kut ka kylla step ka KNGC da ye ko u su kylliang ya kani ka kool.

Ha ka kylla miet won ka KNGC da thap ko sa ar kool heiwa kawi toh ka Penalty wei hadooh chwa wow kut ka kylla miet ka KNGC da ban joor ko yow pyntam chooh ya ki kool tangwa ka Thomas Jones da yoh thap ko sa chi kool lyngba ka chut Penalty wei hadien ini da yoh ki sa kattu kanti ki laad wow thap sa ka kool wa le tangwa uwa yang kool ka KNGC ym e laad u.

Kamtæ ka yalehke da kut ko da 3-2 cha ka KNGC.

Related posts

Pynbna ka Assam Warriors Academy yei pyrtuid kiwa chah jied na ka Trial wa pynman ha East Jaiñtia Hills

December 24, 2025

Da jied ya u James Sangma kam u President wa u Rajiv Bareh kam u V-President ka Meghalaya Cricket Association

December 23, 2025

Ynne ka sngi leh da saam ya ki khsunaam cha kiwa jop ha ka yakop Badminton wa Table Tennis.

Ha ka kyrdan mar samen ha ka Badminton da rah u Mebanker Shullai na Thomas Jones Synod College wei da wan wa ar u Lalruatsanga na Adventist Training College.

Haka yaleh mar arngut won, u Mebanker Shullai wa u Phawame Passah na Thomas Jones College da pynrem ki ya u Ramthaingem wa Lalruatsanga na Adventist Training College.

Ha ka Table Tennis won da rah u Imti Yunger na Adventist Training College uwa pynrem ya u Hameriward Majaw na KNGC.

Ha ka yaleh mar arngut won u Hameriward Majaw wa u Edmund Pakem na KNGC da pynrem ki ya u Imti Yunger wa u Roman M na Adventist Training College.