Ka sorkar Meghalaya da rai ko wow pynrkhiñ syndon ya ki kari wa pynkieh Siren, kiwa thang light boon rong (khlik-khlak) wei kamjooh ki kari ki heh ki haaiñ kiwa ye wow biah yit rong yong.
Hawa klam hadien ka yalang ki Montri sorkar, neiliang u Montri Rangbah ka jylla, u Conrad K Sangma da pyntip u wa ka sorkar da mynjur ko ya ka Special Operation Procedure yow pynrkhiñ ya ki kari sorkar wei kiwa leh heh.
Da ong u wa ki kari wa ye u biah yit rong yong toh du ki heh sorkar (VIP/VVIP) kiwa em hapoh ka kyrdan “Z” wa “Z+”, wei lada emkaam ya kiwi wow chong kari wa biah yit yong, hap ki wow yoh yei mynjur na ka Committee wa da khlieh da u Principal Secretary.
Hawa yatoh wa ki kari wa pynkieh Siren, u Montri Rangbah da ong u wa du ki kari pulit, ki kari Emergency kam ki Ambulance wa ki kari wa synraan (Escort) ya ki heh ki haaiñ (VIP wa VIP+) wa ye u leh yeini, wei lada hap wow kynthup ya kiwi kiwi ki kyrdan, ka Committee daw bichaar wei e mynjur.
Da ong u wym chah wow pyndait light rong soo (Red Beacon) kamwa da pynmih pynbna ha waroh kawi ka ri, tangwa ki light khlik-khlak boon rong ye wow pyndait katkam wa e bor ka chnat Transport wei ya ki Name Plate namo i kyrdan næ pyrtuid bru wa pynemkaam ya ka kari, daw pynbna kiwon kiwa ye wow leh kamni neibhah em ki bru wa leh kamni nachwa katwa ngait.
Discussion about this post