Yow pynsah yei naam i burom yong ki soo ngut kiwa yahkhmat ka Raij Namdong kiwa da khlad noh na sla pyrthai wa kynthup ya u (L) Phidalis Lyngdoh, (L) Seberius Sungoh, (L) Hariwel Myria wa u (L) Elias Susngi, ynne ka sngi neiliang ka Raij da wai ko da u mot sahnaam neibynta yong ki ha chnong Namdong-A, West Jaiñtia Hills District.
Ha kani ka sngi wai ya u mot sahnaam, u MDC ka thaaiñ, u Dawan Lyngdoh da man u kam u kongsan chirup i emlang u Dolloi ka Elaka Nongjngi, u Copius Daw, u Acting Waheh Raij Namdong, u Lambor Lyngdoh, ki waheh chnong yong ki 12 tylli ki chnong wa haap hapoh ka Raij Namdong wa kynthup nadooh u Waheh Chnong ka Namdong-B, u D.S. War, Waheh Chnong Namdong-A, u Arki Sumer wa kiwi najrong ki manbei manpa, ki khynroo khyllood wa kiwa ha-yung ha-sem kitai kiwa yahkhmat wa da khlaad.
Kiwa e yei klam ha kani ka sngi kynthup i nadooh u kongsan u Dawan Lyngdoh, u Dolloi Copious Daw, ki waheh chnong waheh Raij wa kiwi kiwa da kynmoo tamdien ya ki kaam wa khroo yong kini kiwa yahkhmat wa da khlaad noh wa heipor yong ki katwa ye da pyrchang ki u kreh bha yei kaam neibynta i myntoi u paaid ka Raij ha ki liang waphær waphær.
Kamtæ yooluti ki wa kiwa yahkhmat wa katni daw nang ye chooh ki u kreh rap bha chooh chooh.
Ha ka yalang wa pynlai da u Chairman ka Raij, u Linus Pale, da yoh ya ka parom tbian heiyatoh wa ki samoi krehkaam kitai kiwa yahkhmat Raij wa da khlaad na u Aicydol Pakma uwa man leh u General Secretary ka Raij, i klam na u Tbn. Arnes Kassar, na u Rio Pulang wa na u Asst. Secretary Raij u Apostol Shadap.
Da yoh leh i chaad na ki manbei wa ki khyllood ka chnong Namdong-A, wa kamjooh i rwai wei chaad na ka kur Susngi.
Discussion about this post