Pynsakhiat ka KYWM yaka poisa wa Rs. 5 lak wa da thap yow yada yaka wah Myntdu

Ka seiñ Khooid Ya Ka Wah Myntdu (KYWM) kam chibynta wow pynkhlan yei krehkaam yong ka hajrong wow taan ya u DC, ya ka JHADC wa kiwi ki chnat sorkar sorkar wow wan chakhmat yow pynbha ya ki rood ka wah Myntdu, ha ka 8 tarik uni u bnai hei yahkhmat u Khroo L Pariat, President, u Bichar Shylla, Vice President, ka Hunbeitki Dkhar, Asst. General Secretary, u Oriland Shylla, Treasurer wa kiwi de ki dkhot da lai pynsakhiat ki deiwa yachem ki ya u BS Sohliya, DC ka West Jaiñtia yow e kti ya ka kot deiwa sakhi u Friday Hinge uwa da dep thap ya ka poisa kawa Rs. 5 lak cha ka Bank Account kawa tip kam ka “West Jaiñtia Hills District Environment Protection & Restoration Fund” kawa pynlai da u DC wa u DFO (Social Forestry), Jowai kam u Member Secretary.

Ha ini i yachem, neiliang ka seiñ da kyrpaad joor ko ya u DC wow pynkrehkaam noh wut wut wow khloh noh ya u chyiap uwa da pyndap ya ka Myntdu ha Mupiah kawa man leh ka thaw taan um ka PHE cha ki manyung ha Jowai wei khamtam ya kiwa boon ki bynta ka Myntdu kawa da yoo wa dap i khyndaw wa u chyiap, kamjooh leh da booh ujor hajrong i sdang dooh noh ka liar Pam Blah kawa e um ya ki lyngkha wa ya ka Myntdu neidaw wa pyntooid khyndaw u Contractor wa pynkreh ya ka Jowai Bypass.

Hajrong ini i pyntooid khyndaw u Contractor cha ki synrang wa tooid cha ki liar, cha ka Myntdu, ka seiñ da dep yaklam ko man-i-por nadooh ha u DC warim tangwa ka Meghalaya State Pollution Control Board kawa toh u bichaar wei pynchitom ya u Contractor ym pu em leh ko hadooh katni.

U DC da klam che u wa daw pynkrehkaam noh smat wei daw hukum u ha kini hi ki sngi ya ki Magistrate wow lai pait wei daw paan u ha kini ki sngi ya ka bui (Report) krehkaam na ki chnat sorkar wa yatoh waka Myntdu. Neiliang ka seiñ da em ko yei kyrmen wa uni u DC wa katni daw pynkrehkaam hok u ya ka hukum ka NGT hachwa wow poi ka samoi hiar slap.

Related posts

Pynlait-im ki pulit ya 450 tylli ki khroh

April 21, 2025

Da pynkrehkaam ya ka Section 163 BNSS wow yada ya ka Wah Umiam

April 17, 2025

Kamtæ Ka Khooid Ya Ka Wah Myntdu da kyrpaad ko ya waroh kiwa chong chnong kiwa im kiwa chong ha rood ka Myntdu wym toh u chaniah du ha ka ki bor ka sorkar tangwa wow mih noh chakhmat yow kynrong lang hajrong ini i kaam im kaam yap neibhah lada ki paidbah dang hun ki wow pait wei wow boon da ki ktien khlem ki kaam, i jinjar da sdang psiah wei daw ktah yei longbru manbru ha kini ki loom ki pdeiñ wa da kyrkhu ya i.

Puræ leh: T. 5 lak e sñiawbha u Contractor wa tih moo pyrchah aiñ na ka wah Myntdu