Pynsangeh biang ki pulit ka Assam yei kreh ya ka yingkieñ Kureliya

Jowai : Ynne i step ka 2 tarik hapyrdi wa dang kreh ya ka yingkieñ Kureliya ha Tihwieh ki pulit ka Assam da wan ki cha kani ka thaw wei da phah sangeh ki yei kreh ha kani ka yingkieñ iwa da pynbor ya kiwa kreh u liwan na ini i thaw.

Ya kani ka yingkieñ da pynsangeh yei kreh nadooh ka 24 tarik uni u bnai wa da dep wei da thmu u sdang biang i kreh ynne ka sngi.

Hadien ini neiliang ki pulit ka Raliang Police Outpost chirup wa u BDO ka Laskeiñ Block u ma Tariang da hiar ki cha kani ka thaw wow sylli yeini waroh.

Ynne ka sngi da chna leh ya ka Camp neiliang ka chnong Khatkasla heiwa katkam ka khubor wa yoh da ong wa ya kani ka Camp da chna yow sah ki pulit ka Meghalaya wow e i yada ya ki paidbah kamjooh leh ya kiwa kreh ha kani ka yingkieñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ynne ka sngi neiliang ki nongyalam ka Pangam Raliang Border Development Committee (PRBC) hapoh i yahkhmat u President ka JSU u ma Rikut Parieñ chirup wa u President ka JYF u ma Poipynhun Majaw da hiar ki cha kani ka thaw.

Neiliang kini ki nongyalam da e khublei ki ya ki bor ka West Jaiñtia Hills wa ki pulit ka District yeiwa da yaleh ki wei da thooh ki ya ki lad wow sdang biang yei chna ya kani ka yingkieñ.

Hadooh katni ki paidbah dang haap ki u pynemkaam ya ka yingkieñ doidoi hawa lai wa wan kamjooh u kit mar ha ki kari haap lai lyngba ka wah Myntang.

Katkam wa man kattæ kiwa kreh da liwan lut ki na ini i thaw wei ym pu ye u ong wa nadooh mynnu u sdang biang i kreh neibhah dang yang ya ka hukum na ka sorkar jylla.