Shillong: U Symbood Montri Rangbah ka jylla, u Prestone Tynsong da ong u wa ka sorkar hadooh ynne ka sngi da yaleh ko wow khang yei poor u COVID-19 ha ka jylla, neibhah katkam wa chem ka sorkar uni u khñiang poi u cha kani ka jylla na kawi donhi ka thaw, wei ka sorkar da paitbniah bha ko ya ki bru wa yajan næ yachem wa kiwa da chah ktah khnang wow pyntikna wa ym poor u cha kiwi ki thaw ka jylla.
Da ong u leh wa ka sorkar ym em thiah næ chong kli-kti ko katni, tangwa da pteiñ ko wow paitsiar ha waroh kawi ka jylla wa ki chnong ki thaw.
Heiyatoh wa i wym tikna ki Rapid Testing Kit (RTK), neiliang u Prestone da pyntip u wa ka sorkar da yoh ko ka hukum na ka chnat i chait i khiah ka sorkar pyrdi heiyatoh wa ki tiar sylli (Test) wei katni ka sorkar da pynsangeh ko wow pynemkaam ya ki RTK, deiwa pyntip leh wa ha kini ki kajiak sngi daw pynpoi noh da kiwi tawon ki tiar na kiwi ki karkhana (Company).
Ha iwi i liang da pyntip u ya i long i man ka jylla hadooh ynne ka sngi, heiwa u Prestone da ong u wa ka yukheiñ da neh bait i kamjooh iwa mut em 11 ngut kiwa dang chah ktah (Active Case) hapoh jylla.
Discussion about this post