Pynsangeh chwa ka sorkar yei leh Admission yow pyntikna waroh kiwa pyndep SSLC yoh thaw puræ ki

U Montri ka chnat Puræ Puthi, u Rakkam Sangma da pyntip u wa ka sorkar da rai ko wow pynsangeh chwa yei yaleh Admission cha ki thaw puræ yow wanrah ya ka rukom krehkaam wa da booh ryntih yow pyntikna wa i pynpsiah ya ki khynnah u man ko ya waroh kiwa da Pass ya ka SSLC.

“I da pynsangeh chwa i ya ka Admission ha kiwa boon ki thaw puræ kat wym pu yoh yukheiñ hadooh katwon ngut ye wow pynpsiah ha ki thaw puræ ha ki District kam ka East Khasi Hills, Ri-Bhoi wa ha Jowai. I dang pynkhreh i ya ka rukom krehkaam wa da booh ryntih”, da ong u Rakkam.

Da ong u wa ka sorkar dang pynkhreh ko wow pynku kyrdan ya ki skur Secondary cha ki Higher Secondary ha waroh kawi ka jylla hadien wa da ku syndet kiwa Pass ya ka SSLC chadooh 87.10%.

Hawa kylli, u Rakkam da ong u wa ka sorkar wym yoo ko iyi iyi i eh wow pynpsiah khynnah ha Shillong neibhah ka Pass Percentage man ko kamwa jooh man man-u-snem kawa 70% hadooh 80%, tangwa iwa eh toh ha ki ha ki District wa em rap cha jngai na sor.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“I da pynchlur i ya ki skur wa yoh yarap na ka sorkar wow pynpsiah rap boon ngut wei wow sdang leh ya ka Morning Section ha ki kattu katni ki skur sorkar”, da ong u.

Da ong u wa da em sa kamwa 20,000 tam ki khynnah ha uni u snem, wei ka sorkar kwah ko wow em i rukom krehkaam wa da booh ryntih wei dang pynkhreh yeiwa emkaam waroh neibhah wym kwah wow yoo wa em kiwa dooh thaw puræ.