U Chief Minister ka jylla, u Conrad Sangma da ong u wa ka sorkar pyrdi da pynsangeh ko wow pynlait ya ka poisa neibynta ka Jal Jeevan Mission (JJM) cha waroh ki jylla hadien wa kut kani ka Mission ha u March 2024 wei ini da ktah ko ya ki Contractor hapoh ka jylla heiwa da sah ka Bill kawa palat Rs. 700 klur.
Da ong u wa ka Union Cabinet (sorkar pyrdi) daw leh chwa ko ya ka Audit ha waroh ka ri chwa wow pynlait chooh chooh ya ka poisa.
Kamwa man, palat Rs. 1 lak klur ka poisa wa dang sah wow yoh ki jylla wei neidaw wa man ko ka Mission Programme namo ka thong krehkaam da kut noh i kreh ko ha u March 2024.
U Conrad da ong chooh chooh u wa ka Union Cabinet da rai ko wow pteiñ ya ka Mission hadien u March 2024 tangwa emkaam wow pynman chwa ko ya ka Audit ya waroh ki Scheme ha kylleiñ ka ri chwa wow pynlait ya ka poisa.
Chooh chooh u Conrad da ong u wa ka Audit em ko ha jar jiar ki kyrdan ha ka jylla wei manda dep heitæ donhi ka Finance Ministry u sdang biang ko u pynlait poisa ym du ha Meghalaya tangwa ha waroh ka ri.
Discussion about this post