Pynsangeh ka Supreme Court ya ka hukum ka High Court, yoh bor biang ki Kasari ki District Council

Ka Supreme Court ka ri India da pynsangeh ko ya ka hukum ka High Court, Meghalaya kawa da hukum wa ki Kasari ki District Council wym ye de ki wow chim bichaar ya ki mukotduma yong ki kaam damok wa pyrchah aiñ.

Ynne ka sngi, u Deputy Chief Executive Member ka KHADC, u Pynshngain N Syiem da ong u wa ka sorkar jylla da pynmih ko ya ka i pynbna ha ka 22 tarik u Naikhynde 2022, wa ya ki mukotduma kiwa yatoh wa i pyrchah aiñ toh u lai bait cha District and Session Court wei hajrong ini i rai ka sorkar, ka High Court Meghalaya da pynmih ko ya ka hukum ha ka 17 tarik u Thohlakhmi (Feb) 2023, wa u krehkaam noh ka Meghalaya Judicial Services Rules 2006 iwa mut wa da tynyap ya ka bor ki Kasari ki District Council.

Related posts

Yap uwi uwa lai tba hi ya u sainar bordiñ hajrong ka rel

April 25, 2026

Ha Shillong chem ya ka kynthai wa wiar na Guwahati

April 25, 2026

Neiliang ka KHADC da lai ujor ko cha ka Supreme Court ka ri, wei ka Supreme Court da pynsangeh ko ha kani ka hukum ka High Court Meghalaya.

Lyngba kani ka hukum ka Supreme Court ha ka 2 tarik u Kmaichonglad (Dec) 2024, ki Kasari ki District Council u neh ki wei ye ki wow chim bichaar ya ki mukotduma ki kaam pyrchah aiñ wa kiwi hapyrdi ki para jaitbru ri-loom.