Pynskem ka FKJGP ya kiwa kitkaam ka Natiang Area Unit

Ka Federation of Khasi Jaiñtia & Garo People (FKJGP) Jaiñtia Hills Zone hadien wa psiah ki 12 ngut ki khynroo yong ka chnong Nartiang cha ka seiñ. Kiwa yahkhmat yong ka seiñ da lai pynskem ki ya kiwa kitkaam wa thymme yong ka seiñ haka chnong Nartiang. Ya kani ka chnat krehkaam yong ka seiñ u tip noh kam ka FKJGP Nartiang Area Unit, kawa haap hapoh ka i pait yong ka FKJGP Thadlaskeiñ Circle wei kani ka Unit u pait ko ya waroh ki chnong kiwa marjan haka thaaiñ Nartiang.

Ya i pynsmai wa i pynskem ya kiwa kitkaam yong kani ka Unit da pynskem da u General Secretary ka seiñbei u Dundee Cliff Khongsit hei emlang u Kitboklang Nongphlang, Chief Organising Secretary FKJGP seiñbei kamjooh uwa man uwa pait yaka FKJGP Jaintia Hills wei da synran lang yaki da kiwa yahkhmat ka FKJGP Nongthymmai Circle deilang wa ki dkhot ka FKJGP Jaiñtia Hills Zone.

Hadien i pynsmai da yoh ya i klam na u President wa Secretary yong kani ka Unit heiwa u Secretary u Wednesday Dkhar da ong u wa i psiah yong ki cha ka FKJGP toh wa em ki i chaniah yaka seiñ kawa man leh ka seiñ ka waheh kawa em i kitkhlieh yaka jaitbru, chooh chooh da ong u wa i psiah yong oo cha ka seiñ yooluti u wow e yei yarap ya ki paidbah khamtam ha Nartiang kawa man ka chnong kawa oo chong sah u, ka chnong kawa em naam kawa em chiboon ki thaw uiñke suwari wei da pynsñiaw u leh waka sorkar toh u pynku kyrdan noh yaka PHC Nartiang cha ka CHC.

Kiwa kitkaam wa thymme yong kani ka chnat man ki kamni ha wah: