Ka Federation of Khasi, Jaintia & Garo People toh kawi na ki seiñbhalang hapoh ka jylla kawa da yieñ ha ka yurim wow yaleh wei wow dawa ya kiwa boon ki hok yong ki paidbah wa chong chnong na ki por cha ki por, kamtæ ha kani ka sngi Pynsin 29 tarik Duiatra, u President ka FKJGP Central Body chirrup i synranlang u General Secretary u Danny Clive Khongsit wa kiwi ki dkhot ka seiñ, da hiar ki ha Jowai wow emlang ha ka sngi pynskem ya ki dkhot ka Jaiñtia Hills Zone wei wow pynkha leh ya ka Federation of Khasi Jaintia & Garo People Jowai Town Circle.
Ya ka yalang da pynlai da u Kitbok Mawphlang, Chief Organising Secretary ka FKJGP Central Body heiwa da yoh leh u ap u sñiaw ya ki kyntien e mynsien ya ki dkhot ka seiñ kiwa da pynskem ha kani ka sngi na u Ohibait Dkhar, President KSU Jaintia Hills District, na u HH Mohrmen kam uwi na ki bru wa imsngi u kreh yei miat i bha ka imlang sahlang hapoh ka Ri Loom Jaiñtia, u Joe Marwein, President warim ka FKJGP Central Body, u Danny Clive Khongsit, General Secretary FKJGP Central Body wa na u Wellbirth Rani, President FKJGP Central Body.
U HH Mohrmen hawa klam ha kani ka yalang, da pynjoohkhe u ya ki seiñbhlang deiwa ong, nalor ki wa boon ki rukom yakhih wow dawa yei hok kam kiwa chong chnong, emkaam leh u chimkhia ki u kreh ya ki kaam kiwa man i myntoi ya ki bru wa im ha ki thaaiñ nongkyndong neibhah i ye ka ri wa ka jaitbru u kaap u lai chakhmat toh lada ki bru ha ki thaaiñ nongkyndong man ki kiwa biang wa dap wei yoh ki yei hok yong ki.
U Danny Clive Khongsit won hawa klam, da ong u kynmoo, ki seiñbhalang toh u man ki katæ ka bor ka sur yong u paidbah chong chnong wow dawa yeiwon yeiwon iwa toh hok, lada ki bor synchaar ha ka sorkar næ kiwa mihkhmat man ki kiwa tlot wa tkoh hei pynkrehkaam ya kiwa boon ki laad yarap næ ki rukom yoh myntoi hapoh ka jylla neitæ kyrsu kyntu u leh ya ki dkhot ka seiñ wow man ki ki bru kiwa sdang na idæ samen wow leh yeiwon yeiwon iwa bha tam neibynta ka ri wa ka jaitbru.
Ya ka bynta yong i pynskem ya waroh ki dkhot ka FKJGP Jaiñtia Hills Zone wa ki dkhot ka FKJGP Jowai Town Circle ha kani ka sngi da pyndep da u Wellbirth Rani, President FKJGP Central Body wei da e u
leh ki kyntien kyrsu kyntu ya ki dkhot waroh deiwa ong, hawa kreh yei kaam ham booh da i yaboon paaid iwa hakhmat, emkaam u man kiwa ya sñiawthooh yumut, neitæ ham em itæ i mynsien wow ya pyntaw uwi ya uww næ kawi ya kawi wei chooh chooh leh man kiwa yatylli neibhah kani toh ka bor wa ka sur wow ye u poi cha ka thong.
Nalor kini kiyi kiyi ha kani ka yalang da em leh i chaad sur tynre kam wow pynwyrngia yei por ki lok ki jor wa sakhilang neitæ hawa kut wan u Riki Shylla, Secretary FKJGP Jaintia Hills Zone yow e ki kyntien khublei.
Yaka yalang da pynman ha Vienney Parish Hall Marian Hill Jowai.
Kiwa kitkaam wa thymme wa da pynskem ha katai ka sngi yong ka Jaiñtia Hills Zone kynthup ki ya u President-Tuesday Lytep, Vice President- Danny Shadap wa u Marhok Marboh, General Secretary- Ricky Shylla, Asst. General Secretary- Jimmy R. Kharmuti, Chief Organising Secretary- D.S. War, Organising Secretary- Mac Meral Suting wa u Nabait Ymbon, Information Secretary-Alphrin Dkhar, Asst. Information Secretary- Welking Swer, Education Secretary- Deihok Sumer, Asst. Education Secretary- Reyoo Pulang, Sports Secretary- Dauni Phawa, Asst. Sports Secretary- Wympher Wann, Disciplinary Secretary- Batskhem Myrshiang, Asst. Disciplinary Secretary- Shlur Mukhim, Socio & Cultural Secretary-Reachingson Khongwang deilang wa 5 ngut ki Executive Member.
Kiwa kitkaam yong ka ka FKJGP Jowai Town Circle, kynthup ya u President-Dinovert Challam, Vice President-Robert Lamare, General Secretary-Marius Chyrmang, Asst. General Secretary- Kynsai Shylla, Secretary Organising-Marjan Biam, Asst Secy. Organising-Shanki Phawa, Information Secretary-Rlipon Syndai, Asst. Information Secretary- Pynbiang Pala, Education Secretary- Wanburom Phyllei, Asst. Education Secretary-Nangpoi Syrti, Agriculture Secretary-Nidaeimi Dkhar, Asst. Agriculture Secretary-Jameris Lyngdoh, Disciplinary Secretary-Lam Lyngdoh, Asst. Disciplinary Secretary- Toni Chyrmang, Sports Secretary-Haimonmi Ryngkhlem, Asst. Sports Secretary-Bhalang Sana deilang wa 4 ngut ki EC Member.
