Jowai: Ka Hynñiewtrep Youth Council (HYC) Central Body ynne ka sngi da pynkha ko ya ka HYC Jaiñtia Hills District ka wow pait ya waroh ki Unit ki Circle yong ka wa em hapoh ri-loom Jaiñtia.
Ha ka yalang wa pynman ynne ka sngi ha Jowai, u General Secretary ka HYC-Central u Robertjune Kharjarin da wan pynbaam smai u ya ki dkhot kani tnat thymme ka seiñ.
Da pynkynmo u ya ki dkhot wa i em hapoh ka HYC ym toh wow yoh suk, i em hapoh ka seiñ toh yow chem ki chitom wa ha rukom neibynta ka jaitbru neibhah ka jaitbru katni em ko ha ka thma wa joor bha nadooh i wan hiar ki baarjylla iwa ym em ki aiñ wow sonteri yei psiah wa i mih yong ki wei kam cha i kiwa khian paaid emkaam ki ya ki aiñ wa biang wow yada yei hok yong i.
Kamtæ ong u wa emkaam ya ki District Council wow pynbna ki wa ki thaw, i khyndaw, u chyiap ki mar pohkhyndaw toh ki jaitbru wa mantre ki yow lait u chah khang u tih mooyong, khyndaw, chyiap wa kiwi kiwi de.
U N. Dohling uwa man kam u Vice President ka HYC-CB ong u wa ka seiñ daw wan ko cha ri-loom Jaiñtia wow pynche paidbah chaphang ki 14 tylli ki phang dawa na ka sorkar heiwa ha khlieh dooh toh ka dawa Inner Line Permit (ILP), ki Work Permit wei neibynta kini hanlada toh ha u lathi u chong patok man ko kawa khroo neibynta ka jaitbru.
Ki Dkhot thymme kani ka HYC Jaiñtia Hills District man ki kamni ha wah:
- President- Damanleki Lathong
- Vice President- Arki Lamare
- Vice President- Mewat Suchiang
- General Secretary- Albiius Phawa
- Organising Secretary- Raju Gampad
- Assistant Organising Secretary- Mohon Sana
- Education Secretary- Tourky Nongrum
- Assistant Education Secretary- Thuhlad Shadap Passah
- Publicity Secretary- Rihun-Da Oo Pasi.
- Environmental Secretary- Apdame Papiah
- Socio & Cultural Secretary- Before Rymbai wa kiwi.
Da em leh 9 ngut ki Executive Member.
Discussion about this post