Ka Jaiñtia Student’s Movement (JSM) Central Body ha ka 4 tarik uni u bnai da yoh laad ko u pynskem biang sa ya 7 ngut kiwa kitkaam kamjooh ya ki dkhot wa boon ka Central Body ha ka yung krehkaam ka JSM Central Body kawa em ha Mookhep, East Jaiñtia Hills District.
Ya ka yalang da pynlai da u Leningstar Rymbai uwa man u President ka JSM-Central Body, hei emlang u Roitre Dkhar uwa man u General Secretary, Central Body deiwa wan sakhilang waroh ki dkhot ka Central Body.
Ha kani ka yalang da em i kyntien sneiñ na u President ka seiñ kamjooh leh da batai bniah ya ka riti krehkaam ka seiñ da u General Secretary ka seiñ.
Ya kini kiwa kitkaam thymme ka seiñ ha ki kattu katni ki bynta ka JSM-Central Body da pynskem da u Leningstar Rymbai kamjooh deiwa ya emlang waroh kiwa kitkaam ka Central Body.
Kiwa kitkaam ka seiñ JSM Central Body ha ki kattu katni ki kyrdan waphær waphær neibynta u snem 2025-2026 man ki kamni ha wah:
1. Organising Secretary – Arwankijuh Dkhar
2. Sport Secretary – Kyrmen Kyndait
3. Publicity Secretary – Heyhok Supuh
4. Assistant Education Secretary – Deinpor Dkhar
5. Office Secretary – Moon Dkhar
6. Socio and Cultural Secretary – Rimi-o Nongtdu
7. Environmental Secretary – Heiboimi Marphet
Discussion about this post