Jowai: Ka Executive Committee yong ka Khasi Students’ Union-Jaintia Hills District Unit kawa man ha ka 23-03-2019 ha i por 11:00 waje i step ha yung krehkaam ka seiñ wa em ha New Hill, Jowai hei emlang u Manly Nongpluh, Finance Secretary Seiñbei, u Ianly Nonghuloo uwa man leh uwa pait ya ka District da pynskem ya u Garland S. Manner kam u General Secretary wa pura yong ka seiñ heithaw u Albinus Lamurong Ex–General Secretary uwa da chong ngiah noh na i kaam.
Ha i jooh i por ka EC da jied ko ya u Lurman B. Talang kam u Assistant General Secretary wa ya u Nangnaibor Sutnga kam u Assistant Publicity Secretary neibynta ka samoi krehkaam 2018–2021.
Ha kani ka sngi ka EC da chim ko ya ka rai neibynta wow pynkhlan chooh chooh ya i rukom krehkaam yong ka KSU Jaiñtia Hills District Unit waroh kawi.
Ini toh katkam wa pyntip u Laitphar Syngkrem, Publicity Secretary KSU-JHDU.
Discussion about this post